وزىق قولجەتىمدى تەحنولوگياعا كوشكەن كاسىپورىندار ەميسسيا تولەۋدەن بوساتىلادى
بۇل تۋرالى «حالىقارالىق جاسىل تەحنولوگيالار جانە ينۆەستيتسيالىق جوبالار ورتالىعى» ك ە ا ق ە ق ت بيۋروسىنىڭ باس ساراپشىسى سەرىك نۇركەنوۆ ايتىپ بەردى، دەپ حابارلايدى قازاقپارات ءتىلشىسى.
جاسىل ەكونوميكا جانە ەڭ وزىق قولجەتىمدى تەحنولوگيالار قاعيداتتارىنا كوشۋ ماسەلەلەرى جونىندەگى حالىقارالىق كونفەرەنتسيا بارىسىندا ەقت قاعيداتتارىنا كوشۋ پروتسەسى ءسوزسىز بولادى. بۇل وتە ماڭىزدى اسپەكت جانە ماڭىزدى رەفورمالاردىڭ ءبىرى. جاڭا ەكولوگيالىق كودەكستە جاسىل تەحنولوگيا لاستاۋشى زاتتاردى ازايتۋعا باعىتتالعان ەكولوگيالىق تازا ءتيىمدى تەحنولوگيا رەتىندە بەلگىلەنگەن. ونەركاسىپتىڭ ەڭ وزىق قولجەتىمدى تەحنولوگيالار قاعيداتتارىنا كوشۋى كودەكس تارماقتارىنىڭ ءبىرى بولىپ سانالادى» ، - دەدى س. نۇركەنوۆ.
قازىرگى ۋاقىتتا ەقت بيۋروسى كاسىپورىنداردىڭ قازىرگى جاي- كۇيىن باعالاۋ جۇمىستارىن جۇرگىزۋدە.
«بىزگە كاسىپورىنداردىڭ تەحنولوگيالىق جاعدايى قاي كەزەڭدە ەكەنىن، ولاردىڭ ە ق ت قاعيداتتارىنا كوشۋگە دايىندىق دەڭگەيىن ءبىلۋ ماڭىزدى. بۇل جۇمىس ءۇشىن حالىقارالىق تانىمال ساراپشىلاردى شاقىردىق. اتقارىلعان جۇمىس قورىتىندىسى بويىنشا سالالىق ەسەپ ازىرلەنەدى، ول ە ق ت قاعيداتتارىنا كوشۋ جونىندەگى انىقتامالىق ازىرلەۋگە نەگىز بولادى. ە ق ت بيۋروسى كەلەسى 2021 -جىلعا ارنالعان انىقتامالىق ازىرلەۋگە كىرىسەدى، ونى 2023 -جىلى اياقتايدى. 2024 -جىلى كاسىپورىندار كەشەندى ەكولوگيالىق رۇقسات الۋ ءۇشىن ءوز قۇجاتتارىن دايىنداي الادى. 2025 -جىلدان باستاپ ءبىرىنشى ساناتتاعى نىساندار كەشەندى ەكولوگيالىق رۇقسات الۋى ءتيىس. ە ق ت قاعيداتتارىنا كوشكەن كاسىپورىندار ەميسسيا تولەمىنەن تولىق بوساتىلادى» ، - دەپ ءتۇسىندىردى سەرىك نۇركەنوۆ.
بۇل قاراجاتتى كاسىپورىندار ءوز وندىرىستەرىن، جابدىقتارىن جاڭعىرتۋعا جانە جاقسارتۋعا جۇمساي الادى. سپيكەردىڭ ايتۋىنشا، بۇل جازالاۋ مەحانيزمى ەمەس، كەرىسىنشە، كاسىپورىننىڭ تيىمدىلىك باعدارلاماسىن جاقسارتۋدىڭ ىنتالاندىراتىن ءادىسى. ياعني، ە ق ت- عا كوشۋ - ەكونوميكا مەن تابيعات اراسىنداعى تەڭگەرىم. كاسىپورىندار ءوز تاجىريبەلەرىن جاقسارتا وتىرىپ، قورشاعان ورتاعا انتروپوگەندى اسەردى ەداۋىر تومەندەتەدى، بۇل ەڭ جاقسى كورسەتكىشتەرگە قول جەتكىزۋگە مۇمكىندىك بەرەدى.
«ستاتيستيكا كوميتەتىنىڭ مالىمەتىنشە، قازاقستاندا ءبىرىنشى ساناتقا كىرەتىن 2,5 مىڭعا جۋىق كاسىپورىن بار. بۇل نەگىزىنەن مۇناي وڭدەۋ، مۇناي ءوندىرۋ سالاسى، جىلۋ جانە ەلەكتر ەنەرگياسىن ءوندىرۋ، تاۋ- كەن مەتاللۋرگيا سالاسى، قارا جانە ءتۇستى مەتاللۋرگيا. ەكولوگيالىق رەتتەۋ كوميتەتى 97 كاسىپورىننىڭ ءتىزىمىن بەكىتتى، ولاردىڭ 50 ءى مىندەتتى كوشپەلى تەكسەرۋگە جاتاتىن ءىرى، ءبىرىنشى ساناتتاعى نىساندارعا جاتادى. ولاردىڭ ۇلەسىنە لاستانۋدىڭ %80 ى تيەسىلى. قالعان 47 كاسىپورىن كامەرالىق جولمەن تەكسەرىلەتىن بولادى» ، - دەيدى سپيكەر.
ەگەر كاسىپورىندار ە ق ت قاعيداتتارىنا كوشپەسە، مەملەكەت ولاردىڭ باعدارلامالارىن جاقسارتۋ بويىنشا شارا قابىلدايدى. س. نۇركەنوۆتىڭ ايتۋىنشا، ە ق ت بيۋروسى كەلەسى جىلدان باستاپ اتىراۋ، تەمىرتاۋ، وسكەمەن، پاۆلودار سياقتى ءىرى قالالاردا حالىقارالىق ساراپشىلاردىڭ قاتىسۋىمەن كوشپەلى زەرتتەۋلەر جۇرگىزۋدى جوسپارلاپ وتىر.
