الماتىدا ق ر تۇڭعىش پرەزيدەنتى - ەلباسى زالى اشىلدى

بۇل زال 1-جەلتوقسان — ق ر تۇڭعىش پرەزيدەنتى كۇنىنە وراي اشىلىپ وتىر. شاراعا «ق ر تۇڭعىش پرەزيدەنتى - ەلباسى كىتاپحاناسىنىڭ» ديرەكتورى ءامىرحان راحىمجانوۆ، ءال- فارابي اتىنداعى قازاق ۇلتتىق ۋنيۆەرسيتەتىنىڭ رەكتورى، اكادەميك عالىم مۇتانوۆ، ۋنيۆەرسيتەت عالىمدارى، قوعام جانە ب ا ق وكىلدەرى قاتىستى. اتالعان زال ءبىلىم ورتالىعى بولىپ ەسەپتەلەدى، وندا نۇرسۇلتان نازاربايەۆ ەل باسقارعان كەزدەگى تاۋەلسىز ەلىمىزدىڭ قۇرىلۋ تاريحى مەن نىعايۋى جولىنداعى ماتەريالدار جيناقتالعان.

«ق ا ز ۇ ۋ وسىمەن ءتورتىنشى جىل ەلباسى كىتاپحاناسىمەن تىعىز بايلانىستا جۇمىس ىستەپ جاتىر. بىلتىر ستۋدەنتتەرمەن كەزدەستىك، ونىڭ الدىندا «ەلباسى مودەلى» اتتى حالىقارالىق كونفەرەنتسيا وتكىزدىك. بۇگىنگى كەزدەسۋىمىز دە سول ۇلكەن جوبانىڭ جالعاسى. ءبىزدىڭ كىتاپحانادا سوڭعى جىلدارى كوپتەگەن جاڭا كىتاپتار شىعىپ جاتىر، بۇگىن سولاردىڭ ىشىنەن 100 كىتاپتى وسى زالعا تاپسىرۋعا الىپ كەلدىك. ويتكەنى بولاشاق جاستارىمىز ەلىمىزدىڭ تاريحىن ءبىلىپ ءوسۋى كەرەك. ولاردىڭ وي- ءورىسىن وسى كىتاپ، ءبىلىم ارقىلى كەڭەيتەمىز دەپ ويلايمىز. اكەلگەن كىتاپتاردىڭ ىشىندە «تۇڭعىش پرەزيدەنتتىڭ الەمنىڭ جەتەكشى ۋنيۆەرسيتەتتەرىندە وقىعان ءدارىسى» ، «نازاربايەۆ مودەلى» اتتى كىتاپتار بار. بۇلار جاقىندا عانا جارىق كورگەن، ياعني سياسى ءالى كەۋىپ ۇلگەرمەگەن كىتاپتار» ، - دەدى ءامىرحان راحىمجانوۆ.

رەكتوردىڭ ايتۋىنشا، بۇل زال الداعى ۋاقىتتا عىلىمي- تاجىريبەلىك كونفەرەنتسيالار مەن سەمينارلار وتكىزەتىن، ساراپشىلار قاۋىمداستىعىنىڭ جانە ءبىلىم، مادەنيەت سالاسى ماماندارىنىڭ كەزدەسۋ الاڭىنا اينالادى.

«تۇڭعىش پرەزيدەنت كىتاپحاناسىنىڭ ديرەكتورىنا العىس ايتقىم كەلەدى. پروفەسسور ماحمۋد بازارقۇل ۇلىنىڭ باسشىلىعىمەن كوپتەگەن ىستەر جاسالىپ جاتقانىن بىلەمىز. بۇگىنگى كۇنى ءبىزدىڭ كىتاپحانا 100 جاڭا كىتاپپەن تولىقتى. ولاردىڭ بارلىعى وتە قۇندى. وسى زالدا ءبىزدىڭ وقىتۋشىلار، عالىمدار مەن ستۋدەنتەر ۇلت كوشباسشىسى ەلباسى تۋرالى بارلىق ماتەريالدى تابا الادى» ، - دەپ اتاپ ءوتتى ۋنيۆەرسيتەت رەكتورى، اكادەميك عالىم مۇتانوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى