ب ا ق اۋديتورياسىن جوعالتپاۋ ءۇشىن ءارتۇرلى ينتەرنەت پلاتفورمادا جۇمىس ىستەۋى كەرەك- اسقار ۋماروۆ

Astana Media Week 2020 شاراسىنىڭ «مۋلتيپلاتفورمالىلىق» پلەنارلىق سەسسياسىن جۇرگىزگەن «قازاقپارات» ح ا ا باسقارما ءتوراعاسى اسقار ۋماروۆ وسىنداي پىكىرىن ءبىلدىردى، دەپ حابارلايدى قازاقپارات ءتىلشىسى.

«باسپاءسوز سالاسىنا ينتەرنەت كەلگەننەن كەيىن اۋديتورياسىن جوعالتپاۋ ءۇشىن اقپارات قۇرالدارى ءارتۇرلى پلاتفورمالاردا جۇمىس ىستەۋى كەرەك. قازىرگى ۋاقىتتا جۋرناليستيكا كۇرت وزگەرىپ كەتتى. ءار بەس جىل سايىن ءبىر جاڭاشىلدىقتار كەلىپ جاتىر. مۋلتيپلاتفورمالىلىق بۇل رەتتە - قازىر سىن- تەگەۋرىن عانا ەمەس، سونىمەن قاتار اۋديتوريانى ارتتىرۋدىڭ، ساپالى اقپاراتتى قولدانۋشىعا جەتكىزۋدىڭ ۇلكەن مۇمكىندىگى. كوپ جاعدايدا مۋلتيپلاتفورمالىلىقپەن اقپارات اگەنتتىكتەرى جۇمىس ىستەيدى. ولار ساپالى جاڭالىقتاردى وتە جىلدام جەتكىزە ءبىلۋى ءتيىس. ءبىزدىڭ بىلۋىمىزشە ءداستۇرلى باسپا ءسوز قۇرالدارىنىڭ، گازەتتەردىڭ كوبى پلاتفورمالارعا ءوتىپ جاتىر. قازاقپارات اگەنتتىگىنىڭ 100 جىلدىعى اياسىندا بۇگىن ءبىز وتە وزەكتى تاقىرىپتى تالقىلايمىز»، - دەدى اسقار ۋماروۆ.

ونىڭ ايتۋىنشا پاندەميا كەزىندە اۋديتوريا شىنايى اقپاراتتى ىزدەپ، ءداستۇرلى باسپا ءسوز قۇرالدارىنا جۇگىنە ءتۇستى.

«سونىمەن بىرگە فەيك- جاڭالىقتاردىڭ ءوز ورىسىندە ارتىپ كەلە جاتقانىن دا ەسەپكە الۋ كەرەك. مەديا سالادا نەگىزگى مىندەتى فەيك- جاڭالىقتارعا جول بەرمەۋ بويىنشا جاڭا باعىت پايدا بولدى. ودان بولەك فاكتچەكينگ تۋرالى دا بىلەمىز. ءبىز ارىپتەستەرىمىزبەن بىرگە ۇنەمى اقپارات بولىسەمىز. ءبىزدىڭ پلاتفورمالارعا جالعان اقپاراتتىڭ كەلمەۋى ءۇشىن جۇمىس جۇرگىزىپ جاتىرمىز»، - دەدى اسقار ۋماروۆ.

ايتا كەتسەك ەلورادادا Astana Media Week 2020 شاراسى وتكىزىلۋدە. ءىس- شارانىڭ نەگىزگى ماقساتى - وتاندىق مەدياسالانى دامىتۋ مەن يندۋسترياداعى ىسكەرلىك قارىم- قاتىناستى ايماقتىق جانە حالىقارالىق دەڭگەيدە ىلگەرىلەتۋ. مەديااپتالىق ءتورتىنشى جىل قاتارىنان الەمنىڭ تۇپكىر- تۇپكىرىنەن جەتەكشى ساراپشىلاردى ءداستۇرلى تۇردە جيناپ كەلەدى جانە وزەكتى تاقىرىپتار تالقىلانادى.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى