ق ر س ءى م تاۋلى قاراباقتاعى جاعدايعا بايلانىستى مالىمدەمە جاسادى
«ازەربايجان رەسپۋبليكاسى پرەزيدەنتىنىڭ، ارمەنيا رەسپۋبليكاسى پرەمەر-ءمينيسترىنىڭ جانە رەسەي فەدەراتسياسى پرەزيدەنتىنىڭ تاۋلى قاراباق قاقتىعىسى ايماعىنداعى اتىستى جانە بارلىق اسكەري ءىس- قيمىلداردى توقتاتۋ تۋرالى مالىمدەمەسىن جوعارى باعالايمىز. قول جەتكىزىلگەن ۋاعدالاستىقتار ب ۇ ۇ قاۋىپسىزدىك كەڭەسىنىڭ قارارلارىنا سايكەس كەلەدى جانە تاۋلى قاراباق پروبلەماسىن رەتتەۋ ءۇشىن نەگىز بولا الادى. وسى كەلىسىمگە قول جەتكىزۋدەگى رەسەي فەدەراتسياسىنىڭ سىندارلى ءرولىن جانە ونىڭ ۋاعدالاستىقتاردى ءىس جۇزىندە ىسكە اسىرۋعا باعىتتالعان بىتىمگەرشىلىك كۇش- جىگەرىن ەرەكشە اتاپ وتەمىز»، - دەلىنگەن مالىمدەمە ماتىنىندە.
سونداي-اق، ق ر سىرتقى ىستەر مينيسترلىگى وسى كۇردەلى كەزەڭدە ازەربايجان مەن ارميان حالىقتارى بەرىك بەيبىتشىلىك پەن كەلىسىم ورناتۋ، وڭىردە قاۋىپسىزدىكتى قامتاماسىز ەتۋ ءۇشىن سەنىمدى ىرگەتاس قالاۋعا ۇمتىلاتىندارىنا ۇمىتتەنەتىنىن جەتكىزگەن.
ەسكە سالساق، تاۋلى قاراباقتا اتىستى توقتاتۋ تۋرالى مالىمدەمەگە قول قويىلعان بولاتىن.
