ەلىمىزدە ازاماتتاردىڭ قۇقىقتارىن قورعاۋدى كۇشەيتۋ زاڭناماسى جەتىلدىرىلدى
زاڭ جوباسىنا ق ر پارلامەنتىنىڭ ءبىر توپ دەپۋتاتى باستاماشى بولدى. ونىڭ نەگىزگى ماقساتى - قىلمىستىق پروتسەستە ازاماتتاردىڭ قۇقىقتارىن قورعاۋدى كۇشەيتۋ بولىگىندە قىلمىستىق جانە قىلمىستىق- پروتسەستىك زاڭنامانى جەتىلدىرۋ.
قىلمىستىق كودەكسكە ۇسىنىلىپ وتىرعان تۇزەتۋ ىنتىماقتاستىق تۋرالى پروتسەستىك كەلىسىمنىڭ بارلىق شارتتارىن ورىنداۋىنا بايلانىستى ادامداردى قىلمىستىق جاۋاپتىلىقتان بوساتۋ مۇمكىندىگىنە باعىتتالعان.
قىلمىستىق- پروتسەستىك كودەكسكە تۇزەتۋلەر پروتسەسكە قاتىسۋشىلاردىڭ پىكىرلەرىن ەسكەرە وتىرىپ، قىلمىستىق پروتسەستى ەلەكتروندىق فورماتتا جۇرگىزۋ؛ تەرگەۋ سۋدياسىنىڭ قاماۋدا ۇستاۋعا سانكتسيا بەرۋ، سانكتسيا بەرۋدەن باس تارتۋ تۋرالى قاۋلىلارىن قايتا قاراۋ كەزىندە اشىق سوت وتىرىسىن وتكىزۋ مۇمكىندىگىنە جانە باسقالارعا باعىتتالعان.
سونىمەن قاتار، ءبىرىنشى ساتىداعى سوتتا، اپەللياتسيالىق جانە كاسساتسيالىق ساتىدا سۋدياعا قارسىلىق بىلدىرۋگە قاتىستى نورمالاردى جەتىلدىرۋ ۇسىنىلادى. اتالعان تۇزەتۋلەردى ىسكە اسىرۋ قىلمىستىق پروتسەستىڭ جارىسپالىلىعىن جانە قىلمىستىق پروتسەسكە قاتىسۋشىلاردىڭ قۇقىقتارى مەن زاڭدى مۇددەلەرىنىڭ ساقتالۋىن قامتاماسىز ەتۋدىڭ تيىمدىلىگىن ارتتىرۋعا مۇمكىندىك بەرەدى.
زاڭ جوباسىن جۇمىس توبى اياسىندا تالقىلاۋ كەزىندە پارلامەنت ءماجىلىسىنىڭ دەپۋتاتتارى مەن زاڭناما ءبولىمىنىڭ ۇسىنىستارى قارالدى، قۇقىقتىق ولقىلىقتاردى جويۋ، زاڭ جوباسىنىڭ نورمالارىن ءبىر-بىرىنە جانە قازاقستان رەسپۋبليكاسىنىڭ باسقا دا زاڭنامالىق اكتىلەرىنە سايكەس كەلتىرۋ ماقساتىندا زاڭ جوباسىنىڭ بۇكىل ءماتىنى بويىنشا رەداكتسيالىق، ناقتىلاۋشى سيپاتتاعى تۇزەتۋلەر ەنگىزىلدى.
