باتىس قازاقستاندا وقۋشىدان كوروناۆيرۋس انىقتالىپ، مەكتەپ كارانتينگە جابىلدى
ب ق و تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسپا ءسوز قىزمەتى ءمالىم ەتكەنىندەي، وقيعا جانىبەك اۋدانى كۇيگەنكول اۋىلىندا بولدى. وسىنداعى مەكتەپتىڭ 11-سىنىپ وقۋشىسىنىڭ covid-19 جۇقتىرعانى بەلگىلى بولدى. ودان ىندەتپەن اۋىرعان اكەسىمەن قارىم- قاتىناستا بولعان ادام رەتىندە سىناما الىنعان. وقۋشىمەن بايلانىستا بولعان ءۇي وشاعىنداعى ەكى ادامنان الىنعان سىناما ولاردا كوروناۆيرۋس جوقتىعىن كورسەتتى. مەكتەپتەگى 13 ادامنان سىناما الىنىپ، تەكسەرىلۋ ۇستىندە. قورىتىندى دەزينفەكتسيا جاسالعان مەكتەپ كارانتينگە جابىلدى.
جانىبەك اۋداندىق اۋرۋحاناسىنىڭ باس دارىگەرى ساۋلە يسماعۇلوۆانىڭ ايتۋىنشا، اۋرۋ بەلگىلەرى جوق بولعاندىقتان، وقۋشى امبۋلاتورلىق ەم الۋدا. قازىرگى تاڭدا اۋرۋحانادا 25 توسەكتىك جۇقپالى اۋرۋلار بولىمشەسى بولسا، وندا 5 ادام ەمدەلۋدە. سونىڭ بىرەۋى - اتالعان بالانىڭ اناسى. كورشىلەس قازتالوۆ اۋدانىنان ونداعى اۋرۋحانا كۇردەلى جوندەلىپ جاتقاندىقتان، ءبىر ادام وسىندا ەمدەلىپ جاتىر. جانىبەك اۋدانىندا ىندەت باستالعاننان بەرى كوروناۆيرۋس جۇقتىرعاندار سانى 198 گە جەتتى. ەسكە سالا كەتەيىك، بۇدان بۇرىن ب ق و- دا 23 بالانىڭ كوروناۆيرۋس جۇقتىرعانىن جازعان بولاتىنبىز.
