قازاقستان ش ى ۇ- مەن ينفراقۇرىلىمدىق جانە لوگيستيكالىق جوبالاردى جۇزەگە اسىرۋعا دايىن
«ءبارى دە ادامدار» ءۇشىن دەگەن ماقساتقا باعىتتالۋى كەرەك بۇل تۋرالى شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ وتىرىسىندا ق ر پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
«ەكونوميكالارىمىزدىڭ سيفرلىق ترانسفورمتسياسىنا جاڭا كوكجيەكتەر اشىلۋدا. ش ى ۇ تەحنوپاركتەرى پۋلى بويىنشا تۇجىرىمدامانى تەزىرەك كەلىسۋ ۇلتتىق ەكونوميكالاردى يننوۆاتسيالىق رەلسكە كوشىرۋدەگى كۇش- جىگەردى ۇيلەستىرۋگە مۇمكىندىك بەرەرىنە سەنىمدىمىن. ەكونوميكالىق بەلسەندىلىك ورتالىقتارى رەتىندە وڭىرلەردىڭ تارتىمدىلىعىن قامتاماسىز ەتۋدى قاپەرگە الا وتىرىپ، ءبىز بۇگىن سيفرلىق داۋىردە شالعاي جانە اۋىلدىق اۋماقتى دامىتۋ جونىندەگى تۇجىرىمدامانىڭ قابىلدانۋىن قولدايمىز»، - دەدى ق ر پرەزيدەنتى.
مەملەكەت باسشىسى ش ى ۇ- عا مۇشە مەملەكەتتەر اراسىنداعى ساۋدانى كەڭەيتۋ ءۇشىن كولىك- لوگيستيكالىق ىنتىماقتاستىقتى نىعايتۋ شەشۋشى مانگە يە ەكەندىگىن باسا ايتتى.
«ش ى ۇ- عا مۇشە مەملەكەتتەر مەن بايقاۋشىلاردىڭ ينفراقۇرىلىمدىق دامۋ ۇلتتىق باعدارلاماسىنىڭ سينەرگياسىن قامتاماسىز ەتۋ ماڭىزدى دەپ سانايمىن. سونىمەن قاتار ش ى ۇ جولدارىن دامىتۋ باعدارلاماسىن كەلىسۋ جانە قول قويۋ جونىندەگى بىرلەسكەن جۇمىسىنا دايىن ەكەندىگىمدى بىلدىرەمىن. ءبىزدىڭ ورتاق كۇش- جىگەرىمىزدىڭ بايلانىستىرۋشى بۋىنى «بەلدەۋ مەن جولدى دامىتۋ» مەگاجوباسى بولا الاتىندىعى ءسوزسىز. قازاقستان ءبىزدىڭ ەكونوميكامىزدىڭ جانە سەرىكتەستەرىمىزدىڭ ەكونوميكاسىنىڭ پايداسى ءۇشىن ينفراقۇرىلىمدىق جانە لوگيستيكالىق جوبالاردى بىرلەسىپ جۇزەگە اسىرۋ بويىنشا لايىقتى كۇش- جىگەر جۇمسايتىن بولادى»، - دەدى قاسىم- جومارت توقايەۆ.
اۆتور: مارلان جيەمباي
