ءدارى-دارمەك رەتسەپتەرىن جازىپ بەرۋدىڭ قاعيداسىنا وزگەرىستەر ەنگىزىلدى

«جازعى كارانتين كەزىندە ازاماتتار رەتسەپت جازىپ، ءدارى- دارمەك الۋ پروبلەماسىنا تاپ بولعانىن بىلەسىزدەر. وسىنى ەسكەرە وتىرىپ، مينيسترلىك تاراپىنان رەتسەپتەردى جازىپ بەرۋ ءارى ەسەپكە الۋ قاعيدالارىن جاڭادان بەكىتىپ، سوعان جاڭا قوسىمشالار ەنگىزدى. بۇل 7-قاراشادان باستاپ كۇشىنە ەندى»، - دەدى ن. اسىلبەكوۆ ورتالىق كوممۋنيكاتسيالار قىزمەتىندە.

ونىڭ ايتۋىنشا، اتالعان قاعيدادا توتەنشە جاعداي، شەكتەۋ شارالارى، ونىڭ ىشىندە كارانتين كەزەڭىندە رەتسەپتى قاعاز تۇرىندە جازۋعا مۇمكىن بولماعان جاعدايدا، ەلەكتروندى تۇردە رەتسەپت جازۋعا پاتسيەنتتىڭ جانە دارىگەردىڭ اتى-ءجونىن، سونداي-اق ەلەكتروندى بايلانىس قۇرالدارىن پايدالانا وتىرىپ، دارىگەردىڭ جۇمىس ورنىن كورسەتۋ ارقىلى ەلەكتروندى نۇسقادا تاعايىنداۋعا جول بەرىلەدى.

«وسى ورايدا رەتسەپتىنىڭ ۋاقىتىلى جازىلماي قالۋىنا جول بەرىلمەي، ءدارى- دارمەكتى دەر كەزىندە الۋعا مۇمكىندىك جاسايدى»، - دەپ تولىقتىردى ۆەدومستۆو وكىلى. بۇدان بۇرىن حابارلانعانداي، نۇرلىبەك اسىلبەكوۆ ەلىمىزدەگى دارىلىك زاتتاردىڭ قورىنا قاتىستى تۇسىنىك بەردى. قازىرگى كەزدە ءدارىحانالاردا حالىقتىڭ دارىلىك زاتتارعا قاجەتتىلىگىن قامتاماسىز ەتۋ ءۇشىن پرەپاراتتار جەتكىلىكتى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى