قازاق كورپەلەرىنىڭ قانداي ءتۇرى بار؟

جامىلعى كورپە اتى ايتىپ تۇرعانداي جامىلاتىن جىلى كورپە. ال توسەك كورپە جەرگە نە ديۆان ۇستىنە جايىلادى.

كورپەنىڭ ءتۇرى ولاردىڭ ەنى مەن ۇزىندىعىنا، قولدانۋ ماقساتىنا قاراي جىكتەلەدى.

توسەك كورپە، ادەتتە، ءبىر كىسىلىك توسەكتىڭ كولەمىندە ەتىپ تىگىلەدى. كەيبىر قۇراق كورپەنىڭ تۇرلەرى قىز جاساۋىنا ەنەدى. ماسەلەن، ءتور كورپە، ماحاببات كورپەسى، ءشاي كورپە، كۇيەۋ كورپە، قۇداعي كورپە، جامىلعى كورپەلەردى اتاساق بولادى.

كورپەنىڭ اتاۋىنان-اق ولاردىڭ كىمگە ارنالعانى ايتىلىپ تۇر. ماحاببات كورپەسى - ەكى جاستىڭ جامىلۋىنا ارنالعان كورپە. كۇيەۋ كورپە - كۇيەۋ جىگىت وتىراتىن كورپە، ال ءشاي كورپەگە كەلىن وتىرىپ، ءشاي قۇيادى.

قازاقتا قۇراقتىڭ 200 دەن اسا ءتۇرى بار. قۇراق - ماتا قيىندىلارىنان قۇرالىپ جاسالاتىن توسەنىش.

ياعني، قولونەر تۋىندىلارىن جاساعاندا، قالدىق بولىپ جينالعان قيىندىلاردى قيۋلاستىرىپ، ەبىن تاۋىپ تىككەن دۇنيەنى «قۇراق» دەيدى. قۇراق كورپە تىگۋگە قوشقار ءمۇيىز ويۋى كوپ قولدانىلادى.

حالقىمىزدا بەسىكتە جاتقان بالانى جاباتىن «بەسىك كورپە»، ءسابيدى وراۋعا ارنالعان «وراۋىش كورپە» سىندى كورپەشە تۇرلەرى بار.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى