اسقار مامين دەنساۋلىق ساقتاۋ جانە ىشكى ىستەر مينيسترىنە تاپسىرما بەردى

سانيتارلىق- ەپيدەميولوگيالىق احۋال مەن قابىلدانىپ جاتقان شارالار تۋرالى دەنساۋلىق ساقتاۋ ءمينيسترى ا. سوي، سانيتارلىق تالاپتاردىڭ ساقتالۋىن باقىلاۋ تۋرالى ىشكى ىستەر ءمينيسترى ە. تۇرعىمبايەۆ، پ ت ر- دياگنوستيكالاۋ مەن جەكە قورعانىش قۇرالدارىنىڭ باعا ساياساتىنا مونيتورينگ جۇرگىزۋ جۇمىسى بويىنشا باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى س. جۇمانعارين، تۇرعىندارمەن اقپاراتتىق- ءتۇسىندىرۋ جۇمىستارىن جۇرگىزۋ تۋرالى اقپارات جانە قوعامدىق دامۋ ءمينيسترى ا. بالايەۆا، وڭىرلەردەگى احۋال تۋرالى قوستاناي وبلىسىنىڭ اكىمى ا. مۇحامبەتوۆ، باتىس قازاقستان وبلىسىنىڭ اكىمى ع. ەسقاليەۆ، اقمولا وبلىسىنىڭ اكىمى ە. مارجىقپايەۆ باياندادى.

پرەمەر- مينيستر ەكى مينيسترگە ارنايى تاپسىرما بەردى. دەنساۋلىق ساقتاۋ مينيسترلىگىنە: بارلىق مەديتسينالىق قىزمەتتەردىڭ ورتالىق جانە وڭىرلىك دەڭگەيدە سىرقاتتانۋشىلىقتىڭ ىقتيمال ءوسۋ جاعدايىنا تولىق دايىندىعىن قامتاماسىز ەتۋ؛

حالىقپەن شەكتەۋ شارالارىن ساقتاۋ جونىندە ءتۇسىندىرۋ جۇمىستارىن تۇراقتى نەگىزدە جۇرگىزۋ؛

شەكارا قىزمەتىمەن، وڭىرلەردىڭ اكىمدىكتەرىمەن بىرلەسىپ، شەتەلدىكتەرگە قازاقستانعا كىرۋ ءۇشىن بەرىلەتىن دەنساۋلىق ساقتاۋ ۇيىمدارىنىڭ شاقىرۋ قۇجاتتارىنا باقىلاۋدى كۇشەيتۋ؛

ادىلەت مينيسترلىگىمەن، اكىمدىكتەرمەن بىرلەسىپ، ق ر اۋماعىندا ەمدەلۋ ءۇشىن شەتەل ازاماتتارىنا شاقىرۋ بەرۋگە ۋاكىلەتتى، وڭىرلەردەگى دەنساۋلىق ساقتاۋ ۇيىمدارىنىڭ تىزبەسىن ايقىنداۋ تاپسىرىلدى.

ىشكى ىستەر مينيسترلىگىنە حالىق پەن بيزنەس سۋبەكتىلەرىنىڭ شەكتەۋ جانە كارانتين شارالارىن ساقتاۋىن باقىلاۋ جونىندەگى مونيتورينگتىك توپتاردىڭ جۇمىسىن كۇشەيتۋ تاپسىرىلدى (بيىلعى 17 - تامىزدان باستاپ ەلىمىزدە 41 مىڭ رەيدتىك تەكسەرۋ جۇرگىزىلدى، 8,7 مىڭ كارانتيندى بۇزۋ فاكتىسى انىقتالدى).

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى