التى ايدا كوروناۆيرۋسپەن كۇرەس شارالارىنا قانشا ميلليارد تەڭگە جۇمسالعانى بەلگىلى بولدى
بۇل جونىندە قوردىڭ باسپا ءسوز قىزمەتىنە سىلتەمە جاساپ قازاقپارات حابارلايدى.
بيىلعى ناۋرىز-قىركۇيەك ايلارى ارالىعىندا 135,6 ميلليارد تەڭگە تولەندى. شىعىننىڭ باسىم بولىگىن، ياعني 81,3 ميلليارد تەڭگەنى ەپيدەمياعا قارسى ءىس-شارالارعا تارتىلعان مەديتسينا قىزمەتكەرلەرىنىڭ جالاقىسىنا ۇستەمە قۇرادى.
«دەنساۋلىق ساقتاۋ مينيسترلىگى ورتالىق دەڭگەيدە جانە جەرگىلىكتى اتقارۋشى ورگاندار كوروناۆيرۋستىڭ ىقتيمال ەكىنشى تولقىنىنا دايىندىق جۇمىستارىن جالعاستىرۋدا. ءوز كەزەگىندە قور كوروناۆيرۋس پەن پنيەۆمونيامەن اۋىراتىن ناۋقاستارعا كورسەتىلەتىن مەديتسينالىق كومەكتىڭ ۋاقتىلى تولەمىن جۇرگىزەدى. بۇل رەتتە، وسى اۋرۋلارمەن اۋىراتىن پاتسيەنتتەرگە مەديتسينالىق كومەك م ءا م س جۇيەسىندەگى ساقتاندىرىلۋ مارتەبەسىنە قاراماستان كورسەتىلەدى»، - دەپ حابارلايدى ءا م س ق باسپا ءسوز قىزمەتى.
ناۋرىزدان قىركۇيەككە دەيىن پروۆيزورلىق جانە كارانتيندىك ستاتسيونارلارعا ەمدەۋگە جاتقىزۋدى قارجىلاندىرۋعا 24,5 ميلليارد تەڭگەدەن استام قاراجات جۇمسالدى، ولاردا كارانتيندىك وقشاۋلاۋ جانە قاجەت بولعان جاعدايدا 240 مىڭنان استام ادام ەمدەلدى. وسى كەزەڭدە ينفەكتسيالىق ستاتسيونارلاردا 72 مىڭ پاتسيەنت ەمدەلدى.
Covid-19 جانە كوروناۆيرۋستىق پنيەۆمونيامەن اۋىراتىن ناۋقاستاردى امبۋلاتوريالىق جانە ستاتسيونارلىق جاعدايدا ەمدەۋگە بارلىعى 18,8 ميلليارد تەڭگە جۇمسالدى. ۇيدەگى ستاتسيوناردىڭ مەديتسينالىق قىزمەتتەرىنە اقى تولەۋ ءۇشىن 9 ميلليون تەڭگە جۇمسالدى.
ۇيدە ەمدەۋدى وكپە %30 دان اسپاعان كەزدە اۋرۋ اعىمىنىڭ جەڭىل ءتۇرى بار پاتسيەنتتەر الادى. كۇن سايىن ۋچاسكەلىك دارىگەرلەر ولاردىڭ جاعدايىن باعالاۋ ءۇشىن قوڭىراۋ شالادى، كەم دەگەندە ءۇش كۇندە ءبىر رەت بەينە كەڭەس بەرىلەدى، قاجەتتى راسىمدەر دە كورسەتىلەدى. ەگەر جاعداي ناشارلاسا، مىسالى، ءۇش-بەس كۇن ىشىندە تەمپەراتۋرا تومەندەمەسە، تىنىس الۋ جانە تاحيكارديا جوعارىلايدى، ناۋقاس اۋرۋحاناعا جاتقىزىلادى.
بۇل قىزمەتتەر وسى جىلدىڭ شىلدە ايىنان باستاپ حالىققا قولجەتىمدى بولدى. سول كەزەڭنەن باستاپ موبيلدى بريگادالار جۇمىسىن باستادى. ولاردىڭ قىزمەتتەرىن تولەۋ ءۇشىن شىلدەدەن قىركۇيەككە دەيىن قور 1 ميلليارد تەڭگەدەن استام قاراجات باعىتتادى. ەمحانانىڭ ءاربىر شاقىرۋى ءۇشىن 5400 تەڭگەدەن الادى، وسىلايشا ءۇش ايدا 190 مىڭنان استام شىعۋ ورىندالدى. موبيلدى بريگادانىڭ قۇرامىنا دارىگەر جانە / نەمەسە مەدبيكە، كەيدە بەيىندى مامان كىرەدى.
موبيلدى بريگادالار پاتسيەنتتى العاشقى قاراپ-تەكسەرۋدى جۇرگىزەدى، ونىڭ جاي-كۇيىنىڭ اۋىرلىق دارەجەسىن باعالايدى، covid-19 سيمپتومدارى بولعان كەزدە پ ت ر- تەستكە ماتەريال الادى، پۋلسوكسيمەتريا جۇرگىزەدى، كورسەتىلىمدەرى كەزىندە رەنتگەنوگرافياعا نەمەسە كومپيۋتەرلىك توموگرافياعا جولداما بەرە الادى، دارىلىك زاتتاردى تاعايىنداي الادى.
ايتا كەتۋ كەرەك، وڭىرلەردە وسىنداي 3000 نان استام بريگادا قۇرىلعان. پ ت ر دياگنوستيكاسىن جۇرگىزۋگە 19 ميلليارد تەڭگەدەن استام قاراجات ءبولىندى. ناۋرىزدان قىركۇيەككە دەيىن جۇرگىزىلگەن تەستىلەۋ ءۇشىن قور 10,7 ميلليارد تەڭگە تولەدى.
پ ت ر- تەستىلەۋدەن ەلىمىزدىڭ ستاتسيونارلارىندا 222024 قازاقستاندىق، امبۋلاتوريالىق جاعدايدا - 708124 ادام ءوتتى. مەديتسينالىق ساقتاندىرۋ قورى تولەيتىن قىزمەتتەردىڭ ساپاسىن جوعارىلاتۋ ءۇشىن پاتسيەنتتەر شاعىمدارمەن جانە ۇسىنىستارمەن 1406 بايلانىس ورتالىعىنا جۇگىنىپ، سونداي-اق ولاردى Qoldau 24/7 موبيلدى قوسىمشاسىندا قالدىرا الادى.
