نۇر- سۇلتاندا تازى مەن توبەت ورتالىعى اشىلادى
«بۇگىندە قازاقستاندا تازىنىڭ تازا ءتۇرى از. كوبىسىنىڭ باسقا تۇقىممەن بايلانىسى بار. 1958 -جىلى ەلىمىزدە تازى عىلىمي تۇردە زەرتتەلىپ، ونىڭ ستاندارتى بەكىتىلدى. قازىر سول ستاندارتقا ساي ەلىمىز بويىنشا تازىلاردى تىركەپ جاتىرمىز. قازىرگى ۋاقىتتا قازاقستاندا 1500 دەي تىركەلگەن تازى بار. وندا تازىنىڭ اتاۋى، قاي جەردەن جانە جاس مولشەرى سەكىلدى بارلىق مالىمەتتەر كورسەتىلگەن. ال توبەتتەر از، سەبەبى ول باسقا يت تۇرىمەن بۋدانداستىرىلىپ وزىندىك قاسيەتىن جوعالتىپ الدى. نەگىزى ءبىزدىڭ توبەت الەمدەگى سالماعى 100 كەلىدەن اساتىن ءىرى 10 ءيتتىڭ قاتارىنا ەنەدى»، - دەدى و. ابدىكارىموۆ.
ونىڭ ايتۋىنشا، ەلىمىزدە تازى مەن توبەتتىڭ سانىن كوبەيتىپ قانا قويماي، ونىڭ تۇقىمدىق تازالىعىن ساقتاۋ كەرەك.
«قازىرگى ۋاقىتتا ق ر اۋىل شارۋاشىلىعى مينيسترلىگى جانە ق ر ەكولوگيا، گەولوگيا جانە تابيعي رەسۋرستار مينيسترلىكتەرمەن بىرلەسىپ ەلورداداعى قازاق اگروتەحنيكالىق ۋنيۆەرسيتەتىنىڭ جانىنان تازى مەن توبەن ورتالىعىن اشۋدى جوسپارلاۋدامىز. قارجى ۋاقىتىندا بولىنسە، ورتالىقتى كەلەسى جىلى اشاتىن بولامىز. جالپى ءبىز تازىنى ءيتتىڭ باسقا تۇرىمەن بۋدانداستىرىپ ارالاستىرماي، تازا ۇستاۋدى ۇيرەنۋىمىز كەرەك»، - دەيدى ول.
ايتا كەتەيىك، بۇعان دەيىن ەلىمىزدە يتبەگىلىك ونەردىڭ رەسمي تۇردە تىركەلەتىنى تۋرالى حابارلاعان بولاتىنبىز.
