يسپانياداعى ەڭ كونە قالا

قالاعا تەڭىز قاراقشىلارى شابۋىل جاساعاندا ۆيلا ۆەللا قامالى جەرگىلىكتى تۇرعىندارعا ەڭ قاۋىپسىز جەر بولعان. وسىنداي قاقتىعىستاردىڭ بىرىندە قامال سوققىعا شىداماي، قاتتى قيراعان.

XIV عاسىردىڭ سوڭىندا قامالدىڭ الدىڭعى شەبى تولىعىمەن قايتا قالپىنا كەلتىرىلدى. ءسويتىپ ۆيلا ۆەللا قامالى قاراپايىم جۇرتتىڭ سەنىمىنە قايتا كىرىپ، قالانى ءتۇرلى كەساپاتتان ساقتادى. مىسالى، قامال قالانى تەك شابۋىلدان عانا ەمەس، اتلانت مۇحيتىنان سوعاتىن جەلدەن ىق بولعان.

قامال بىرنەشە قايتا قۇرۋ ءۇردىسىن باستان كەشتى. ونىڭ ەڭ ءىرىسى XIX عاسىردا بولدى. قامالدىڭ بەكىنىس قابىرعالارى قانداي دا ءبىر سىرت كۇشتىڭ اسەرىنەن وپىرىلا باستاعان. ءبىراق كەيىن شەبەرلەر بەكىنىستى قايتا قالپىنا كەلتىرىپ قانا قويماي، ونى ارى قاراي دامىتقان.

قازىرگى تاڭدا قامال مۇناراسىنىڭ بىرىندە كوركەمونەر مۇراجايى بار. مۇندا اتى ايگىلى سۋرەتشىلەردىڭ ءتۇرلى كارتينالارى ساقتالعان. قامالعا جاقىن جەردە شاعىن مەيرامحانا دا بار.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى