التى مەملەكەتتە قاراكۇزەندەرگە كوروناۆيرۋس جۇققان
بۇل تۋرالى قازاقپارات dw.com-كە سىلتەمە جاساپ حابارلايدى.
بارلىق ەلدەگى قاراكۇزەننىڭ ۆيرۋس جۇقتىرۋى ءبىر ەلدەن باسقاسىنان SARS- CoV-2 ۆيرۋسىنىڭ بۇرىن تارالعان شتامىمەن ۇقساس بولىپ شىقتى. دانيادا تابىلىپ «5-وشاق (Cluster 5) « دەپ اتالعان ەرەكشە مۋتاتسيا عانا الاڭداۋشىلىق تۋدىرىپ وتىر. ونداعى مۋتاتسيا نەمەسە وزگەرىس بۇرىن بايقالماعان، سوندىقتان ونىڭ دياگنوستيكالاۋ، ەمدەۋ جانە ۆاكتسينالاۋداعى ىقتيمال زاردابى ازىرگە تولىق زەرتتەلمەگەن، دەپ ەسكەرتەدى حالىقارالىق ۇيىم.
عالىمدار «5-وشاق» مۋتاتسياسى بولاشاق ۆاكتسينالاردىڭ اسەرىنە كەرى ىقپال ەتۋى مۇمكىن دەپ الاڭداپ وتىر. دانيادا ۆيرۋستىڭ بۇل ءتۇرىن 12 ادام جۇقتىرعان. ولاردىڭ بارلىعى سولتۇستىك يۋتلانديا ايماعىندا تىركەلدى. ۆيرۋس جۇقتىرعان سەگىز ادام قاراكۇزەن فەرمالارىنا قاتىسى بولسا، ءتورت ادام - جەرگىلىكتى تۇرعىن. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە، كوروناۆيرۋستىڭ اڭنان ادامعا جۇعۋى، كوروناۆيرۋس جۇقتىرعان ادامنان قاراكۇزەنگە تارالۋى تىركەلگەن. 4 -قاراشادا كوپەنگاگەن بيلىگى ەلدەگى بارلىق جانۋارلار فەرماسىنداعى قاراكۇزەننىڭ كوزىن جويۋدى بۇيىردى. دانيا - الەمدە قاراكۇزەن تەرىسىن وندىرۋدە باستى ورىنداردا ءتۇر. وندا 15-17 ميلليونداي قاراكۇزەنى بار 1139 فەرماسى جۇمىس ىستەيدى. كوپەنگاگەن مالىمەتىنشە، 200 دەن استام فەرمادا كوروناۆيرۋس جۇقتىرۋ وقيعاسى انىقتالعان. 60 تان استام فەرمادا اڭدار جويىلعان.
