دجو بايدەن ا ق ش پرەزيدەنتى اتانۋعا قاجەت داۋىستى جينادى
CNN مەن AP مالىمەتىنشە، سايلاۋ بارىسىندا 77 جاستاعى بايدەن تاڭداۋشىلاردىڭ 273 داۋسىن جيناپ، امەريكانىڭ قازىرگى پرەزيدەنتى، رەسپۋبليكالىق پارتيا ۇمىتكەرى دونالد ترامپتى باسىپ وزعان. ءسوزسىز پرەزيدەنت اتانۋ ءۇشىن كانديداتتار كەم دەگەندە 270 داۋىس جيناۋى ءتيىس.
بايدەن پەنسيلۆانيا شتاتىندا وزىنە جەتپەي تۇرعان داۋىس كولەمىن جيناپ، قارسىلاسىنان قارا ءۇزىپ كەتتى. سايلاۋدىڭ سوڭعى قورىتىندى ناتيجەسى 14 - جەلتوقساننان كەيىن بەلگىلى بولادى.
ايتا كەتۋ كەرەك، بۇل سايلاۋدا دجو بايدەن ا ق ش تاريحىندا وسى لاۋازىمعا ۇمىتكەر بولعان بۇكىل كانديداتتاردان كوپ داۋىس جينادى.
AP مالىمەتىنە سەنسەك، قازىرگى تاڭدا سانالعان بيۋللەتەندەردىڭ 74,8 ميلليونى بايدەنگە داۋىس بەرگەن. ال 70,5 ميلليون سايلاۋشى دونالد ترامپتى قولداعان. امەريكانىڭ ەكس- پرەزيدەنتى باراك وباما 2008 -جىلى 66 ميلليون داۋىس جيناسا، قازىرگى پرەزيدەنت دونال ترامپ 2016 -جىلى 62 ميلليون سايلاۋشىنىڭ سەنىمىنە يە بولعان ەدى. دەمەك، بايدەن بۇعان دەيىنگى رەكوردتىڭ بارىنەن باسىم ءتۇسىپ وتىر. دەگەنمەن، ەرەجە بويىنشا پرەزيدەنت سايلاۋىنىڭ جەڭىمپازى سايلاۋشىلاردىڭ ەمەس، تاڭداۋشىلاردىڭ داۋسىنا قاراي بەلگىلى بولادى.
2009 -جىلى دجو بايدەن امەريكانىڭ 47- ۆيتسە- پرەزيدەنتى اتانىپ، باراك وبامامەن بىرگە قىزمەتىنە كىرىسكەن بولاتىن. ول 2017 -جىلعا دەيىن وسى لاۋازىمدا ەڭبەك ەتتى. وعان دەيىن بايدەن 35 جىل بويى دەلاۆەر شتاتى اتىنان سەناتور بولعان.
