قازاقستاندىق كينورەجيسسەردىڭ فيلمدەرى قىتاي كينوفەستيۆالىندە كورسەتىلەدى

كينورەجيسسەر ارمان بايمۇراتوۆتىڭ «وزگەرىس» ، «ۇيىقتاعاندا» («ۆو سنە» ) جانە «تىعىرىق» («تۋپيك» ) فيلمدەرى بۇل كۇندەرى قىتايدىڭ وڭتۇستىك- باتىسىنداعى يۋننان پروۆينتسياسىنىڭ لينتسان قالاسىندا ءوتىپ جاتقان قىسقامەتراجدى فيلمدەردىڭ VIII ازيا فەستيۆالىنە (Asia Microfilm Art Festival) قاتىسۋ ءۇشىن تاڭدالدى.

بۇل تۋىندىلار شانحاي ىنتىماقتاستىق ۇيىمىنا (ش ى ۇ) قاتىسۋشى ەلدەردىڭ قىسقا مەتر باعدارلاماسىندا قاتىسۋعا ءوتىنىم بەرىلدى. ارمان بايمۇراتوۆ 1972 -جىلى شىعىس قازاقستان وبلىسىندا دۇنيەگە كەلدى. ول ت. جۇرگەنوۆ اتىنداعى ۇلتتىق ونەر اكادەمياسى (تەاترلىق كوركەم سۋرەت) مەن «تۇران» ۋنيۆەرسيتەتىن (رەجيسسۋرا) ماماندىعى بويىنشا بىتىرگەن. 1999 -جىلدان بەرى ءتۇرلى كوركەمدىك كورمەلەرگە قاتىسىپ كەلەدى. سوڭعى ۋاقىتتا قىسقامەتراجدى فيلمدەر ءتۇسىرىپ ءجۇر. لينتسانداعى قىسقامەتراجدى كينو ازيا فەستيۆالىنىڭ تاريحى 2013 -جىلدان باستاۋ الادى. قىسقا ۋاقىت ىشىندە سۋبايماقتىق فەستيۆال الەمنىڭ 30 ەلىنەن 21 مىڭنان استام ءوتىنىم جيناعان.

فەستيۆال ۇيىمداستىرۋشىلارىنىڭ ايتۋىنشا، كوروناۆيرۋس پاندەمياسىنا قاتىستى ەنگىزىلگەن شەكتەۋگە بايلانىستى بيىلعى ماراپاتتاۋ ءراسىمىنىڭ فورماتى وزگەرتىلىپ، سونداي- اق شاقىرىلعان قوناقتار سانى 1300 دەن 600 ادامعا دەيىن، ال كورەرمەندەر سانى 15 مىڭنان 1 مىڭ ادامعا دەيىن قىسقارتىلعان.

ەسكە سالا كەتسەك، قاراشانىڭ 6-8 كۇندەرى ارالىعىندا قىتايدىڭ وڭتۇستىك- باتىسىنداعى يۋننان پروۆينتسياسىنىڭ لينتسان قالاسىندا قىسقامەتراجدى فيلمدەردىڭ VIII ازيا فەستيۆالى (Asia Microfilm Art Festival) ءوتىپ جاتىر.

ايتا كەتەيىك، جاقىندا قازاقستاندىق كينورەجيسسەر جانە سەناريشى فارحات ءشارىپوۆتىڭ «18 كيلوگەرتس» فيلمى ۆارشاۆاداعى 36- حالىقارالىق كينوفەستيۆالدىڭ گران- پري جۇلدەسىنە يە بولدى.

اۆتورى رۋسلان سۇلەيمەنوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى