شىمكەنتتە كارانتيندىك شەكتەۋ مەرزىمى ۇزارتىلدى

قالانىڭ باس مەملەكەتتىك سانيتاريالىق دارىگەرى ءابدىماناپ تولەبايەۆتىڭ قاۋلىسىنا سايكەس، شىمكەنت اۋماعىندا كارانتين جانە شەكتەۋ شارالارى 2020 -جىلعى 23- قاراشا ساعات 00:00 گە دەيىن ۇزارتىلادى.

شىمكەنت قالاسىنىڭ تۇرعىندارى جانە قوناقتارى ءۇشىن:

- ادامداردىڭ كوپ جينالۋىنا بايلانىستى كەز كەلگەن ءىسشارالاردى وتكىزۋگە تىيىم سالىنادى (ەسكە الۋ، تۋعان كۇندەر، مەرەي تويلار، شىعارىپ سالۋ، قۇدالىق، توي، بەتاشار جانە باسقا) ؛

- 65 جاستان اسقان ادامداردىڭ قالادا ءجۇرۋى شەكتەلەدى؛

- قالادا ءجۇرىپ- تۇرۋ كەزىندە ماسكالاردى كيۋ بويىنشا تالاپتى جانە ادامدار اراسىندا كەمىندە 2 مەتر الەۋمەتتىك قاشىقتىقتى ساقتاۋ قاجەت؛

- ۇيلەردىڭ اۋلالارىنا، ساياباقتارعا، الاڭدارعا، سكۆەرلەرگە، جاعالاۋلارعا بارىپ سەرۋەندەۋگە 3 ادامنان اسپايتىن توپتارمەن نەمەسە ءبىر وتباسى مۇشەلەرىنە عانا رۇقسات ەتىلەدى؛

- قوعامدىق پايدالانۋ ورىندارىندا ورنالاسقان بالالاردىڭ ويىن الاڭشالارىنا 3 ادامنان اسپايتىن توپتارعا بارۋعا رۇقسات ەتىلەدى؛

- قوعامدىق ورىندارعا، ادامدار كوپ جينالاتىن وبەكتىلەرگە بارعاندا، سونىڭ ىشىندە قوعامدىق كولىكتەرگە كىرگەن كەزدە ماسكالاردى كيۋ جانە انتيسەپتيكتەردى پايدالانۋ جونىندەگى تالاپتار قاتاڭ ساقتالۋى ءتيىس.

بۇدان بولەك، مەنشىك نىسانىنا قاراماستان ۇيىمدار مەن كاسىپورىندار، زاڭدى تۇلعالار جانە كاسىپكەرلىك سۋبەكتىلەرى كەلەسى تالاپتاردى ورىنداۋى ءتيىس:

- جۇمىس ۋاقىتىن بارىنشا قىسقارتۋ مۇمكىندىگىمەن، كەڭسە قىزمەتكەرلەرىنىڭ %50 قاشىقتان جۇمىس ىستەۋگە كوشىرۋ (شتاتتىق كەستە بويىنشا 30 دان استام قىزمەتكەر بولعاندا) ؛

- ساۋدا ورتالىقتارىندا، ازىق- تۇلىك جانە ازىق- تۇلىك ەمەس دۇكەندەردە، قىزمەت كورسەتۋ سالاسىنداعى وبەكتىلەردە جانە ادامدار كوپ جينالاتىن ورىنداردا كۇندەلىكتى دەزينفەكتسيالىق ءىس- شارالاردى وتكىزۋ؛

- حالىققا قىزمەت كورسەتۋ ورتالىقتارىنىڭ جۇمىسىن ۇيىمداستىرۋ (ونىڭ ىشىندە مامانداندىرىلعان ح ق ك و) الدىن الا Egov.kz سايتىندا جانە Telegram-دا (EgovKZBot 2.0) كەزەكتى برونداۋ ارقىلى جۇرگىزۋ. جۇمىس ۋاقىتتارى ساعات 09:00-دەن 18:00-گە دەيىن بەلگىلەنەدى. بۇل رەتتە، ق ر ەڭبەك زاڭناماسىنا سايكەس دەمالىس جانە مەرەكە كۇندەرى جۇمىستارى توقتاتىلادى؛

- «قازپوچتا» ا ق- نىڭ، Call-ورتالىقتاردىڭ جۇمىس ۋاقىتى ساعات 09:00-دەن 18:00-گە دەيىن بەلگىلەنەدى. قازاقستان رەسپۋبليكاسىنىڭ ەڭبەك زاڭناماسىنا سايكەس دەمالىس جانە مەرەكە كۇندەرى جۇمىستارى توقتايدى؛

- ق ر ەڭبەك زاڭناماسىنا سايكەس دەمالىس جانە مەرەكە كۇندەرى جابىق ازىق- تۇلىك جانە ازىق- تۇلىك ەمەس بازارلاردىڭ (قابىرعالارى، تەرەزەلەرى/ۆيتراجدارى بار ءۇي- جايلار، عيماراتتار، قۇرىلىستار) قىزمەتى توقتاتىلادى. سىيىمدىلىقتى %30 اسىرماي جانە 1 كەلۋشىگە 4 شارشى مەتر اۋماقتان كەلۋ تالابىن ساقتاي وتىرىپ، ازىق- تۇلىك بازارلارى، جارمەڭكەلەر، ازىق- تۇلىك ەمەس بازارلار (مامانداندىرىلعان، كيىم- كەشەك، مال جانە اۆتوكولىك بازارلارى) ساعات 06:00 دەن 18:00 گە دەيىن جۇمىس ىستەيتىن بولادى. جارمەڭكەلەردىڭ جۇمىسىن كۇشەيتىلگەن سانيتاريالىق- دەزينفەكتسيالىق رەجيمدى ساقتاي وتىرىپ ۇيىمداستىرۋ، ونىڭ ىشىندە دەزينفەكتسيالىق توننەلدەردى جانە سانيتايزەرلەردى ورناتۋ قامتاماسىز ەتىلۋى قاجەت.

- ورنالاسقان ورنىنا قاراماستان بارلىق ازىق- تۇلىك گيپەرماركەتتەرىنىڭ، سۋپەرماركەتتەردىڭ، شاعىن ماركەتتەر مەن ءۇي جانىنداعى دۇكەندەردىڭ جۇمىس، دەمالىس جانە مەرەكە كۇندەرگى جۇمىس رەجيمى ساعات 09:00-دەن 22:00-گە دەيىن شەكتەلەدى. سونداي- اق جۇمىس، دەمالىس جانە مەرەكە كۇندەرى قوعامدىق كولىك قوزعالىسىنىڭ ۋاقىتى ساعات 07:00-دەن 21:00-گە دەيىن شەكتەلەدى. ا دامداردىڭ ايالدامالاردا جانە قوعامدىق كولىكتەردە شوعىرلانۋىن بولدىرماۋ ماقساتىندا كولىك قۇرالدارىنىڭ (اۆتوبۋستاردىڭ، شاعىن اۆتوبۋستاردىڭ) جەلىگە بارىنشا شىعۋى، قوزعالىستىڭ بىركەلكى كەستەسى ۇيىمداستىرىلۋى قاجەت.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى