ءبىلىم ءمينيسترى «بولاشاق» تۇلەكتەرىمەن كەزدەستى

ق ر تۇڭعىش پرەزيدەنتى - ەلباسى ن. نازاربايەۆتىڭ جارلىعىمەن 1993 -جىلعى 5 - قاراشادا تاعايىندالعان ستيپەنديانىڭ 27 جىلدىعىنا وراي ۇيىمداستىرىلدى.

«بيىل ايتارلىقتاي وزگەرىستەر كۇشىنە ەندى. ءبىز ستيپەنديانى تاعايىنداۋ ءۇردىسىن اۆتوماتتاندىرۋ مەن اشىقتىقتى ارتتىرۋ ءۇشىن بارلىق نورماتيۆتىك قۇقىقتىق قۇجاتتى پىسىقتادىق. مەملەكەت باسشىسى وتكەن جىلى وسىنداي مىندەت قويدى. قاسىم- جومارت كەمەل ۇلى (پرەزيدەنت - رەد.) بۇل باعدارلامانى ودان ءارى دامىتۋعا جانە ونى قولداۋعا ەرەكشە كوڭىل بولەدى»، - دەپ اتاپ ءوتتى ا. ايماعامبەتوۆ.

ءمينيستردىڭ ايتۋىنشا، حالىقارالىق ستيپەندياعا ۇمىتكەرلەردى ىرىكتەۋدىڭ جاڭا ەرەجەلەرى بەكىتىلدى. كۆوتالىق ساناتتار جويىلىپ، كونكۋرستىق ىرىكتەۋدە بارلىق ۇمىتكەرگە تەڭ مۇمكىندىكتەر بەرەدى. شەتەلدىك جەتەكشى ج و و تىزىمىندەگى وقۋ ورنىنان شاقىرتۋدىڭ بولۋى - ستيپەنديا تاعايىنداۋ بويىنشا كونكۋرسقا قاتىسۋ ءۇشىن قويىلاتىن نەگىزگى تالاپ. اۋىلدىق ەلدىمەكەندەردەن قاتىساتىن ۇمىتكەرلەر ءۇشىن قازاقستان اۋماعىندا 6 ايعا دەيىنگى تىلدىك كۋرستار ساقتالادى.

«تەك اۋىلدىق جەرلەردەن كەلگەن ۇمىتكەرلەر ءۇشىن تىلدىك كۋرستاردى ساقتاۋ ارقىلى ءبىز جىل سايىن 1,3 ميلليارد تەڭگەدەن استام قاراجات ۇنەمدەيمىز. سونداي- اق ىرىكتەۋ كەزەڭدەرىن 6-دان 3-كە دەيىن ازايتىپ، جالپى قۇجات قابىلداۋ پروتسەسىن سيفرلاندىردىق. ۇمىتكەرلەردى ىرىكتەۋدىڭ بارلىق كەزەڭى ۆيدەوقۇرالدار كومەگىمەن تىركەلەدى. ءبىز تولىق اشىقتىقتى قامتاماسىز ەتتىك جانە جاڭا سىن- تەگەۋرىندەرگە يكەمدى ارەكەت ەتەمىز»، - دەدى اسحات ايماعامبەتوۆ.

«بولاشاق» باعدارلاماسى بۇگىنگە دەيىن 13978 ستيپەنديا تاعايىندادى، ونىڭ ىشىندە 1994 -جىلدان 2004 -جىلعا دەيىن - 785 ستيپەنديا، 2005-2020 -جىلدارى - 13193 ستيپەنديا بەرىلگەن. 13193 ستيپەنديانىڭ 3379-ى باكالاۆريات بويىنشا، 7231 - ماگيستراتۋرا، 35 - اسپيرانتۋرا، 87 - كلينيكالىق ورديناتۋرا، 347 - دوكتورانتۋرا، 2114 - تاعىلىمداما باعدارلاماسى بويىنشا تىركەلگەن.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى