بارماق باستى، كوز قىستى بولماۋى ءتيىس - اليك شپەكبايەۆ ءدارىحانالار تۋرالى

اليك شپەكبايەۆ قوستاناي وبلىسىنا جۇمىس ساپارى اياسىندا تۇرعىنداردى دارىلىك پرەپاراتتارمەن قامتاماسىز ەتۋ شارالارىنا ەرەكشە نازار اۋداردى. ول الدىمەن «س ق- فارماتسيا» ج ش س وپەراتسيالىق قويماسىنا باردى. قويما وبلىستىڭ ەمدەۋ مەكەمەلەرى مەن ۇيىمدارىنىڭ نۇر- سۇلتان قالاسىنداعى حابتان دارىلىك پرەپاراتتار مەن مەديتسينالىق بۇيىمداردى جەدەل الۋ قاعيداتى بويىنشا ۇيىمداستىرىلعان. ءتۇرلى اۋرۋلاردى ستاتسيونارلىق جانە امبۋلاتوريالىق ەمدەۋدى قامتاماسىز ەتۋ اياسىندا مەديتسينالىق مەكەمەلەردىڭ ءداستۇرلى وتىنىمدەرىنە دە، كوروناۆيرۋستىق ينفەكسيانى ەمدەۋگە قاجەتتى قاراجاتقا تاپسىرىستارعا دا قىزمەت كورسەتىلەدى.

«اكىمدىك ءدارى- دارمەك، دارىگەرلەردى قورعاۋ قۇرالدارى، ونىڭ ىشىندە گۋمانيتارلىق كومەك اياسىنداعى اشىقتىققا نازار اۋدارا وتىرىپ، قوعامدىق ۇيىمداردى بەلسەندى تۇردە تارتۋدا. پاندەميا ءاربىر قازاقستاندىققا اسەر ەتتى. سوندىقتان «بارماق باستى، كوز قىستى» جۇمىس بولماۋى ءتيىس. ءاربىر ءدارى- دارمەك الاياقتاردىڭ تابىس كوزىنە اينالماي، تۇتىنۋشىسىنا جەتۋى وتە ماڭىزدى»، - دەپ باسا ايتتى اليك شپەكبايەۆ.

ايتا كەتەيىك، بۇعان دەيىن ءبىرقاتار وڭىرلەردە مونيتورينگتىك توپتار ءدارى- دارمەكتەر مەن قورعانىس قۇرالدارىنىڭ ازايمايتىن قورىن قالىپتاستىرۋداعى ماسەلەلەر تۋرالى مالىمدەگەن بولاتىن. «س ق- فارماتسيا» قوستاناي فيليالىنىڭ وكىلدەرى بارلىق لوگيستيكالىق قاتەلەر ەسكەرىلگەنىن جانە بۇگىنگى كۇنى وڭىردە قاجەتتى قور بار ەكەنىن ايتتى.

جەرگىلىكتى اتقارۋشى ورگانداردىڭ وكىلدەرى حابارلاعانداي، كوروناۆيرۋستىق ينفەكسيانى، پنيەۆمونيانى جانە ج ر ۆ ي ەمدەۋگە باعىتتالعان دارىلىك زاتتارمەن ازاماتتاردى قامتاماسىز ەتۋ ماقساتىندا ءدارىحانا جەلىلەرى مەن فارماتسيەۆتيكالىق فيرمالاردىڭ ديستريبيۋتورلارىنا 538 ملن تەڭگە ءبولىندى. اگەنتتىك ءتوراعاسى پاندەميانىڭ ەكىنشى تولقىنىنا دايىندىق بارىسىندا وبلىستىڭ ماتەريالدىق قورى ەسەبىنەن ساتىپ الىنعان ءدارى- دارمەكتەردى ساتاتىن «سۆەتنايا» ءدارىحانا قويمالارىن ارالادى.

ايتا كەتەيىك، سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى اليك شپەكبايەۆ قوستاناي وبلىسىنا جۇمىس ساپارى بارىسىندا وبلىس اكىمى ارحيمەد مۇحامبەتوۆپەن بىرگە رۋدنىي جانە ليساكوۆ قالالارىندا بولدى.

اۆتور: قاسقىرباي قويشىمانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى