ارمان شاققاليەۆ ە ە ك باسەكەلەستىك جانە مونوپولياعا قارسى رەتتەۋ ءمينيسترى بولىپ تاعايىندالدى
ونىڭ قۇزىرەتىنە ەۋرازيالىق ەكونوميكالىق وداقتىڭ ترانسشەكارالىق نارىقتارىنداعى مونوپولياعا قارسى رەتتەۋ جانە باسەكەلەستىك ماسەلەلەرى كىرەدى. ارمان شاققاليەۆ بۇعان دەيىن وسى قىزمەتتى اتقارىپ كەلگەن، قازاقستان رەسپۋبليكاسى باسەكەلەستىكتى قورعاۋ جانە دامىتۋ اگەنتتىگىنىڭ ءتوراعالىعىنا تاعايىندالعان سەرىك ءجۇمانعاريننىڭ ورنىنا كەلدى. ە ە ك- ءتىڭ جاڭا ءمينيسترىنىڭ قازاقستاننىڭ مەملەكەتتىك بيلىك ورگاندارىندا باسشىلىق جۇمىستا مول تاجىريبەسى بار.
ءار جىلدارى ارمان شاققاليەۆ قازاقستان رەسپۋبليكاسىنىڭ قارجى، ەكونوميكا جانە بيۋدجەتتىك جوسپارلاۋ مينيسترلىكتەرىندە باسشىلىق قىزمەتتەر اتقاردى. 2008 -جىلدان 2016 -جىلعا دەيىن قازاقستان ستاندارتتاۋ جانە سەرتيفيكاتتاۋ ينستيتۋتىنىڭ ديرەكتورى بولدى. 2016 -جىلدان 2018 -جىلعا دەيىن ە ە ك تەحنيكالىق رەتتەۋ جانە اككرەديتتەۋ دەپارتامەنتىن باسقاردى. باسەكەلەستىك جانە مونوپولياعا قارسى رەتتەۋ جونىندەگى مينيستر لاۋازىمىنا تاعايىندالار الدىندا ە ە ك قازاقستان رەسپۋبليكاسىنىڭ ينۆەستيتسيالار جانە ساۋدا مينيسترلىگىندە، ساۋدا جانە ينتەگراتسيا مينيسترلىگىندە تەحنيكالىق رەتتەۋ جانە مەترولوگيا كوميتەتىنىڭ ءتوراعاسى لاۋازىمىن اتقاردى.
اۆتور: گۇلزات اقجولوۆا
