جەتىسۋدا وتكەن جاس اقىندار ايتىسىندا ايات جانىبەك باس جۇلدەنى جەڭىپ الدى
ءۇش كۇنگە جوسپارلانعان ايتىستا ءوڭىردىڭ 18 جاس ايتىس اقىنى قاتىسىپ، باقتارىن سىنادى. ءسوز دوداسىنا قاتىسقان ۇمىتكەرلەردىڭ ونەرى مەن ورلىگىن ەرمەك كەلەمسەيىت، راۋشان جانىبەكوۆا، امىرە ءارىن، ايتاقىن بۇلعاقوۆ، قانىشا رايسوۆا، سەرىك ابىكەن ۇلى، جەمىسبەك تولىمبەكوۆ، قاجەت انداس، ساعىنىش نامازشاموۆا سياقتى ءار سالانىڭ بىلگىرلەرى باعالاپ، ارتىقشىلىعىن القاپ، ورىن العان كەمشىلىكتەردى كورسەتتى.
ەل-جەر تاريحى، ايتىس ونەرىندەگى ۇلى تۇلعالاردىڭ ەڭبەگىن جاڭعىرتۋ، تاۋەلسىزدىك جەتىستىكتەرىن ولەڭمەن ءورۋ، «رۋحاني جاڭعىرۋ» باعدارلاماسىن ىسكە اسىرۋ اياسىندا قازاق حالىق شىعارماشىلىعىن ناسيحاتتاۋ جانە دامىتۋداعى جاستاردىڭ ءرولىن بارىنشا كورسەتۋدى ماقسات ەتكەن ايتىس ىرىكتەۋ كەزەڭى، جارتىلاي فينال جانە اقتىق سىن سياقتى ءۇش كەزەڭنەن تۇردى.
ايتىستىڭ شارتى بويىنشا ساحناعا شىعاتىن ءار جۇپ جەرەبە تارتۋ ءادىسى بويىنشا جۇپتاستىرىلادى. ايتىستىڭ جالپى جۇلدە قورى 1 ميلليون تەڭگەدەن اسادى. جالپى، ءسوز سايىسى ونلاين تۇردە وتكەندىكتەن تەحنيكالىق كەمشىلىكتەر دە كەزدەستى. ءبىراق ايتىس ەرەجەسىندە كورسەتىلگەن بارلىق تالاپ ورىندالىپ، ۇمىتكەرلەردىڭ ءوز ءبىلىمى مەن بىلىگىن كورسەتۋگە بارلىق مۇمكىندىك جاسالدى.
الماتى وبلىسىندا وتكەن جاس اقىندار ايتىسىندا باس جۇلدەنى رايىمبەك اۋداننىڭ اقىنى ايات جانىبەك، جۇلدەلى I ورىندى تالدىقورعان قالاسىنىڭ اقىنى جاناتبەك ءايدارالى، Ⅱ ورىندى كەربۇلاق اۋدانىنىڭ اقىنى اقىت داستان ۇلى، Ⅲ ورىندى تالعار اۋداننىڭ اقىنى نۇريسلام ءابيتيلدا جەڭىپ الدى.
جۇلدەگەر اقىندارعا وبلىس اكىمىنىڭ ورىنباسارى رۋستام الي ۇلى اتىنان اقشالاي سەرتيفيكات مەن العىس حات تابىس ەتىلدى.
اۆتور: سامال قابىشەۆا
