حابيبتىڭ بار تابىسى گولوۆكيننىڭ ءبىر جەكپە- جەگىنە جەتپەي مە؟
ول 24 - قازاندا جاستين گەتجيدى جەڭگەننەن كەيىن مانسابىن اياقتاعان ەدى.
مانسابىندا 29 جەكپە- جەك وتكىزگەن فايتەر ءبىر دە بىرەۋىندە جەڭىلمەدى. حابيب نۋرماگومەدوۆ 2018-2019 -جىلدار ارالىعىندا وتكىزگەن جەكپە- جەكتەرىندە ەڭ كولەمدى سىياقى العان. بۇل ارالىقتا ول 11,5 ميلليون دوللار تابىس تۇسىرگەن. ال بۇكىل مانسابىندا 30 ميلليون دوللار كولەمىندە پايدا تاپقان.
سالىستىرمالى تۇردە حابيب نۋرماگومەدوۆتىڭ تابىسى بوكسشى گەننادي گولوۆكيننىڭ ءبىر جەكپە- جەكتەن الاتىن سىياقىسىنان از. قازاقستاندىق بوكسشى 2018 -جىلى مەكسيكالىق ساۋل الۆارەسكە قارسى وتكىزگەن جەكپە- جەگى ءۇشىن 30 ميلليون دوللاردان كوپ تابىس تاپقان.
ءابۋ- دابيدە وتكەن UFC 254 تۋرنيرىندە رەسەيلىك سپورتشى حابيب نۋرماگومەدوۆ (28-0) امەريكالىق فايتەر جاستين گەتجيمەن (22-2) كەزدەسىپ، ەكىنشى راۋندتا جەڭدى. حابيب بۇل جولى قارسىلاسىنا ۇشبۇرىش، باسقالاي ايتقاندا، تۇنشىقتىرۋ ءادىسىن قولداندى. جەكپە- جەك سوڭىنان سپورتتاعى مانسابىن اياقتايتىنىن اشىپ ايتتى.
حابيب نۋرماگومەدوۆ بۇل جەكپە- جەككە جەڭىل سالماقتاعى UFC چەمپيوندىق بەلبەۋىن باسكە تىكتى. حابيب سوڭعى كەزدەسۋىن 2019 -جىلى 7 - قىركۇيەكتە UFC 242 تۋرنيرىندە وتكىزگەن. داستين پورەمەن (26-6-1) جەكپە- جەككە شىعىپ، تۇنشىقتىرۋ ءادىسىن قولدانۋ ارقىلى جەڭىپ، چەمپيوندىعىن قورعاپ قالعان ەدى. بۇل جولى دا چەمپيوندىعىن قورعاپ، جەڭىستى سەرياسىن 29-عا دەيىن جەتكىزدى. چەمپيون بۇل ءادىسىن UFC- دە ءبىرىنشى رەت قولداندى.
ايتا كەتكەن ءجون، بۇل تۋرنيردە قازاقستاندىق شاۆكات راحمونوۆ دەبيۋتتىك كەزدەسۋ وتكىزىپ، قارسىلاسى الەكس وليۆەيرانى (28-8-1-2) جەڭگەن ەدى. سونداي- اق وسى تۋرنيردە تاعى ءبىر قازاقستاندىق ونەر كورسەتۋى ءتيىس ەدى. ءبىراق قارسىلاسى ومار نۋرماگومەدوۆ (12-0) اۋرۋحاناعا ءتۇسىپ، سەرگەي موروزوۆقا (16-4) جاڭا قارسىلاس تابىلماي قالدى.
