ەلىمىزدەگى تاعى ءبىر قالانىڭ كىرەبەرىس جولدارىنا بلوكپوستار قويىلادى
بۇل تۋرالى اقمولا وبلىستىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى مالىمەت تاراتتى، دەپ حابارلايدى قازاقپارات ءتىلشىسى.
«اقمولا وبلىسىنىڭ باس سانيتار دارىگەرىنىڭ قاۋلىسىنا سايكەس كوكشەتاۋ قالاسىنىڭ كارانتين اۋماعى پەريمەترىنە ۋاقىتشا سانيتارلىق پوست قويۋ تۋرالى شەشىم شىعارىلعان. ەگەر كوروناۆيرۋس ينفەكسياسىن جۇقتىرعانداردىڭ سانى ارتسا، وندا بيىلعى جىلعى قاراشانىڭ 3 دە شىققان №136 -قاۋلىعا وزگەرىس ەنگىزىلەدى جانە مەملەكەتتىك ۆەدوموستۆوارالىق كوميسسيانىڭ نۇسقاۋىنا سايكەس وبلىس ورتالىعى پەريمەترى بويىنشا بلوكپوستار قويىلادى» دەلىنگەن ۆەدومستۆونىڭ جازباسىندا. سونىمەن قاتار، ۆەدومستۆودان اتاپ وتكەندەي، اۋە، تەمىرجول بايلانىسى بويىنشا شەشىمدى كولىكتەگى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى شىعارادى. ايتا كەتەيىك، قاراشانىڭ 3 ىندە اقمولا وبلىسىنىڭ باس سانيتار دارىگەرىنىڭ وڭىردە كارانتين شارالارىن كۇشەيتۋ تۋرالى قاۋلىسى شىققان بولاتىن.
اۆتور: اسلان وسپانوۆ
