تۇركىستاندا الىپ سۋ سپورتى كەشەنى سالىنادى
امبەباپ وقۋ جاتتىعۋ بازاسى 130 ادامعا ارنالعان. 8 گەكتار اۋماقتى الىپ جاتقان سپورت بازاسىندا جاساندى كول، ەكى سپورت الاڭشاسى، قايىقتاردى قاجەتتى تەمپەراتۋرادا ساقتايتىن قويما مەن جوندەۋ ورىندارى دا بار. تۇركىستان دەربەس وبلىس اتانعاندا، وبلىستىق سپورت كەشەنى شىمكەنت قالاسىنىڭ ۇلەسىنە وتكەن.
قازىر مۇندا تۇركىستان وبلىسى مەن شىمكەنتتىك سپورتشىلار جاتتىعۋدا. حالىقارالىق دارەجەدەگى ەسكەك ەسۋ كانالى تۇركىستان قالاسىندا كەلەر جىلى سالىنادى. ەلىمىزدە تەڭدەسى جوق وليمپيادالىق سۋ كەشەنىنىڭ ەسكيزدىك جوباسىن وبلىس اكىمى ءومىرزاق ەستاي ۇلى ماقۇلدادى.
ەسكەك ەسۋ جانە بايداركا سپورتى بويىنشا وليمپيادالىق ستاندارتقا ساي ورتالىق 80 گەكتار القاپقا ورنالاسادى.
وسىلايشا قازاقستاندا سۋ سپورت تۇرلەرىنىڭ دامۋىنا ىقپال ەتىپ قانا قويماي، تۇركىستاندا جوعارى دەڭگەيدەگى جارىستار وتكىزۋگە مۇمكىندىك تۋادى.
ساپبوردينگ، سۋ شاڭعىسى، فلايبوردينگ، ۆەيكسەرفينگ، كانوپولو، دراگونبوت جانە جاعاجاي ويىندار فۋتبولى، ۆولەيبول، گاندبول، تەننيس، رەگبي سەكىلدى سۋ جانە جاعاجاي سپورتىنىڭ تانىمال تۇرلەرىن دامىتۋعا سەپتىگىن تيگىزەتىن سپورت كەشەنىندە كەڭسەلەر، قوناق ۇيلەر، ساۋدا ورتالىقتارى، كافەلەر، سپورت جانە ويىن الاڭدارى، اكۆاپارك، بالالار اتتراكتسيوندارى جانە تاعى باس نىساندار ورنالاسادى.
تۇركىستان وبلىسىنىڭ ەسكەكشىلەرى رەسپۋبليكادا كوش باستاپ كەلەدى. قازاقستان ۇلتتىق قۇراما كومانداسىنىڭ مۇشەلەرى 2021-جىلى وتەتىن توكيو وليمپياداسىنىڭ جولداماسى ءۇشىن ليتسەنزيالىق تۋرنيرلەرىنە جوعارى دەڭگەيدە دايىندىق جاساۋدا.
تۇركىستان وبلىسىنان ليتسەنزيالىق جارىستارعا ەسكەك ەسۋدەن يرينا كلينوۆا مەن اكادەميالىق ەسكەك ەسۋ سپورتىنان ۆلاديسلاۆ ياكوۆليەۆ، سونىمەن قاتار پاراكونوەدەن ەلىمىزدىڭ ەڭ دارىندى سپورتشىلارى جالعاس تايكەنوۆ پەن بيبارىس سپاتاي وليمپيادانىڭ جولداماسى ءۇشىن جارىس جولىنا شىعادى.
ەسكەك ەسۋ بويىنشا 300 دەن استام تۇركىستاندىق سپورتشى ازيا چەمپيوناتتارى مەن وليمپيادا ويىنداردارىنىڭ جۇلدەگەرلەرى.
2012-جىلى لوندون قالاسىندا وتكەن وليمپيادا ويىندارىندا جانە 2016-جىلى برازيليادا وتكەن ءدۇبىرلى سايىستا الەمنىڭ ۇزدىك وندىقتار قاتارىنا كىرگەن.
