گەرمانيانىڭ س ءى م باسشىسى ەكىنشى مارتە كارانتينگە وقشاۋلاندى
ءبىرىنشى تەست تەرىس ناتيجە كورسەتتى، دەپ حابارلايدى قازاقپارات dw.com-گە سىلتەمە جاساپ.
گ ف ر سىرتقى ىستەر ءمينيسترى حايكو ماس كورونايرۋس جۇقتىرعاندارمەن بايلانىستا بولعاننان كەيىن سوڭعى بىرنەشە اپتا ىشىندە ەكىنشى مارتە كارانتينگە وقشاۋلاندى.
گەرمانيا س ءى م حابارلاۋىنشا، SARS- CoV-2 ءبىرىنشى تەستى تەرىس ناتيجە كورسەتتى.
مينيسترگە ۆيرۋس جۇقتىرعان اداممەن بايلانىسقانى تۋرالى سول كۇنى ەرتەرەك حابارلانعان، ال تاڭەرتەڭ ول ۇكىمەت وتىرىسىنا قاتىسقان.
تۇستەن كەيىن گرەكيا سىرتقى ىستەر ءمينيسترى نيكوس دەندياسپەن جوسپارلانعان بىرلەسكەن باسپا ءسوز ءماسليحاتى توقتاتىلدى.
حايكو ماستان باسقا 2- قاراشادا بەرليندەگى شەتەلدىك دەلەگاتسيامەن كەزدەسۋگە قاتىسقان گەرمانيانىڭ سىرتقى ىستەر مينيسترلىگىندەگى ەۋروپا ىستەرى جونىندەگى مەملەكەتتىك مينيستر ميحاەل روت (michael Roth) جانە ۆەدومستۆونىڭ بىرنەشە قىزمەتكەرى كارانتينگە جىبەرىلدى، ولاردىڭ بىرەۋىنەن SARS- CoV-2 انىقتالدى.
ماس قىركۇيەك ايىنىڭ سوڭىندا كۇزەتشىلەرىنىڭ ءبىرى كوروناۆيرۋسىن جۇقتىرعاننان كەيىن ءوزىن- ءوزى وقشاۋلاۋعا كەتكەن بولاتىن. قازان ايىندا گەرمانيانىڭ دەنساۋلىق ساقتاۋ ءمينيسترى يەنس سپاننان (Jens Spahn) كوروناۆيرۋس ينفەكسياسى انىقتالدى.
