قازاقستان ازاماتتارىنا شەتەلگە بارماۋعا كەڭەس بەرىلدى

«6- قازاننان بەرى مەملەكەتتىك شەكارانى اۆتووتكەلدەر ارقىلى 149 مىڭعا جۋىق قازاقستان ازاماتى مەن شەتەلدىكتەر كەسىپ ءوتتى. ونىڭ ىشىندە 278 ىندە ىندەت انىقتالدى. ەلگە ىندەت جۇقتىرىپ كەلۋ جاعدايلارىنىڭ كوبىسى سولتۇستىك قازاقستان، باتىس قازاقستان، پاۆلودار جانە قوستاناي وبلىستارىندا تىركەلگەن. سوڭعى اپتادا اۆتووتكەلدەردەن ءوتۋ كەزىندە 122 جاعداي انىقتالدى، بۇل جالپى كورسەتكىشتىڭ 45 پايىزىن قۇراپ وتىر»، - دەدى كوميتەت باسشىسى ورتالىق كوممۋنيكاتسيالار قىزمەتىندە.

ونىڭ سوزىنە قاراعاندا، 6- قازاننان بەرى حالىقارالىق رەيستەرمەن 61 مىڭعا جۋىق جولاۋشى كەلدى. ونىڭ ىشىندە 8352 ادام تەستىلەۋدەن ءوتىپ، سونىڭ اراسىندا COVID-19 بويىنشا وڭ ناتيجە بەرگەن 41 جاعداي تىركەلدى.

«اتاپ ايتقاندا، 17 ءسى مىسىردان، تۇركيا-13، بەلارۋس - 16، رەسەي - 1، ب ا ءا- دەن 4 جاعداي تىركەلدى. سوندىقتان شەتەلگە ساپارلاۋدى جوسپارلاساڭىزدار، ول ەلدە كوروناۆيرۋس ينفەكتسياسىن جۇقتىرۋ قاۋپى بار ەكەنىن ەسكەرىڭىزدەر. قازىرگى كەزدە مۇمكىندىگىنشە شەتەلگە شىقپاۋعا تىرىسۋ كەرەك»، - دەدى ا. ەسماعامبەتوۆا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى