الماتى اۋەجايىندا جولاۋشى پوليتسەيدەن تاياق جەدى
اۋەجايدا بولعان توبەلەستىڭ ۆيدەوسى الەۋمەتتىك جەلىدە تارالدى. قالالىق كولىكتەگى پ د باسپا ءسوز قىزمەتىنىڭ حابارلاۋىنشا، وقيعا 2 - قاراشادا بولعان.
الماتى اۋەجايىنداعى پوليتسيانىڭ جەلىلىك بولىمىنە «FlyArystan» كومپانياسىنىڭ قىزمەتكەرلەرىنەن حابارلاما تۇسكەن. قىزمەتكەر الماتى - قوستاناي باعىتىندا ۇشاتىن 8-گەيتتە ماس ادامنىڭ شۋ كوتەرىپ جاتقانىن ايتقان.
«تەكسەرۋ بارىسىندا پوليتسيا قىزمەتكەرلەرى 36 جاستاعى ەر ادامدى ۇستادى. كەزەكشى بولىمىنە جەتكىزىلگەن سوڭ دا جولاۋشى دورەكىلىك تانىتتى. بالاعاتتاپ، قارسىلىق كورسەتتى. سوندىقتان، پوليتسيا قىزمەتكەرى وعان كۇش كورسەتۋىنە تۋرا كەلدى. مەديتسينالىق كۋالاندىرۋدىڭ ناتيجەسىندە ول ورتا دارەجەدە ماس ەكەنى انىقتالدى»، - دەدى پ د.
جولاۋشىعا قاتىستى ق ر ق ك 378-بابىنىڭ 1-بولىمىمەن قىلمىستىق ءىس قوزعالدى. ال بۇلىك شىعارعان ادامدى ۇستاۋدا دورەكىلىك تانىتقانى ءۇشىن پوليتسيا قىزمەتكەرى ا. ەلەۋسىزوۆ ىشكى ورگانداعى قىزمەتىنەن قۋىلدى. سونىمەن قاتار، جەلىلىك پوليتسيا ءبولىمىنىڭ 8 لاۋازىمدى تۇلعاسى تارتىپتىك جازاعا تارتىلدى.
