تاريحي-تانىمدىق «ۇلىتاۋ. ۇلىق ۇلىس» دەرەكتى فيلمى جارىققا شىقتى
تاريحي- تانىمدىق باعىتتاعى فيلمدى «قازاقپارات» حاا اق قاراستى «Qazaqstan tarihy» ينتەرنەت- جوباسى تۇسىرگەن. دەرەكتى فيلمنىڭ باستى ماقساتى - ۇلىتاۋ وڭىرىندەگى ۇلتىمىزعا مۇرا بولىپ قالعان كيەلى جەرلەردى دارىپتەپ، تۋريستەردىڭ كوپتەپ كەلۋىنە قولداۋ كورسەتۋ. دەرەكتى فيلم 2 بولىمنەن تۇرادى.
اتالعان فيلمدە قاراعاندى وبلىسى ۇلىتاۋ اۋدانىنىڭ كيەلى جەرلەرى مەن ەدىگە ەسىمىن العان تاۋدىڭ توبەسىندە جەرلەنگەن ەدىگە، توقتامىس، ودان بولەك، جوشى حان، الاشا حان جانە وزگە دە تاريحي تۇلعالاردىڭ كەسەنەلەرى، حان ورداسى، اۋليەتاۋ (اقمەشىت) سىندى قاسيەتتى ورىندار كورىنىس تاپقان.
سونداي-اق ۇلىتاۋ اۋدانىنىڭ ورتالىعى ۇلىتاۋ اۋىلى دا بەينەلەنگەن.
ايتا كەتەر بولساق، وتكەن جىلى ق ر پرەزيدەنتى قاسىم-جومارت توقايەۆ ۇلت ۇياسى ۇلىتاۋعا بارعان ساپارىندا جوشى حان ەسىمىن جوعارى دەڭگەيدە ۇلىقتاۋ شاراسىن جەدەلدەتۋ كەرەكتىگىن ايتا كەلە، التىن وردا (ۇلىق ۇلىس) يمپەرياسىنىڭ 750 جىلدىق مەرەيتويىن مەرەكەلەۋ تۋرالى باستاما كوتەرگەن. سونداي-اق مەملەكەت باسشىسى ۇلىتاۋدى حالىقارالىق دەڭگەيدەگى ەتنوگرافيالىق تۋريزم ورتالىعى رەتىندە ناسيحاتتاۋدى باسا ايتقان ەدى. سونىڭ ارقاسىندا ۇلىتاۋ اۋدانىنداعى جوشى حان كەنەسەسىنىڭ ىرگەسىندە تاريحي-مادەني كەشەن قۇرىلىسىن باستادى. جوشى جانە الاشا حان كەسەنەسىندە عىلىمي- رەستاۆراتسيالاۋ جۇمىستارى جۇرگىزىلدى.
«ۇلىتاۋ» ۆيزيت ورتالىعى سالىنىپ، پايدالانۋعا جاقىن قالدى. فيلمدى ءتۇسىرۋ كەزىندە كومەك كورسەتكەن قاراعاندى وبلىسى اكىمدىگىنىڭ ىشكى ساياسات باسقارماسىنا العىس ايتامىز!
