قوستاناي وبلىسىندا اۋداندىق اۋرۋحانا كارانتينگە جابىلدى
اقپارات ءجىتىقارا اۋداندىق اكىمدىگىنىڭ الەۋمەتتىك جەلىدەگى پاراقشاسىندا جاريالاندى. وبلىستىق دەنساۋلىق ساقتاۋ باسقارماسىنىڭ مالىمەتىنە سۇيەنسەك، اۋرۋحانانىڭ كوپسالالى تەراپيالىق جانە حيرۋرگيالىق بولىمشەلەرىندە قىزمەتكەرلەر مەن پاتسيەنتتەردە كوروناۆيرۋس ينفەكتسياسى تابىلعان.
«وسىعان بايلانىستى وبلىستىڭ باس سانيتارلىق دارىگەرىنىڭ قاۋلىسى بويىنشا 4-19 قاراشا ارالىعىندا اۋرۋحانا بولىمشەلەرى ەكى اپتالىق كارانتينگە جابىلدى. اۋرۋحانا تولىعىمەن قىزمەتىن توقتاتقان جوق. ناۋقاستارعا حيرۋرگيالىق جانە تەراپيالىق شۇعىل كومەك كورسەتىلەتىن بولادى. كوروناۆيرۋسقا شالدىققان قىزمەتكەرلەر ەمدەلىپ جاتىر»، - دەيدى وبلىستىق دەنساۋلىق ساقتاۋ باسقارماسىنىڭ باسپا ءسوز حاتشىسى كسەنيا جيلكيبايەۆا.
