قازاقستاننان شەتەلگە اقشا اۋدارۋ كولەمى ارتتى

اتاپ ايتساق، جۇمىرتقا، قۇمشەكەر، كۇنباعىس مايى، بيىل جينالعان كوكونىس، كارتوپ، ءسۇت، قوي ەتى، جىلقى ەتى جانە ۇن مەن نان قىمباتتاعان. تەمەكى ونىمدەرى مەن سالقىنداتىلعان سۋسىنداردىڭ باعاسى وسكەن. ەسەسىنە بيىل جينالعان جەمىس پەن تاۋىق ەتى ارزانداپتى. ال، كومىر 1,4 پروتسەنتكە قىمباتتاعان. سپورتتىق كەشەندەر مەن ءتىس ەمحانالارىنىڭ، قوعامدىق تاماقتانۋ ورىندارىنداعى قىزمەتتەردىڭ قۇنى دا جارتى پروتسەنتكە وسكەن. ال، ۇشاق بيلەتىنىڭ قۇنى كەرىسىنشە ارزانداپ وتىر. شامامەن 2 جارىم پروتسەنتكە.

بيىلعى توعىز ايدا حالىقارالىق جۇيەلەر ارقىلى اقشا اۋدارىمدارىنىڭ جيىنتىق مولشەرى 793 ميلليارد تەڭگەگە جەتكەن. بۇل وتكەن جىلدىڭ وسى كەزەڭىندەگى كورسەتكىشتەن 3,4 پروتسەنتكە كوپ. مۇنداي دەرەكتى ۇلتتىق بانك جاريالادى. ەلىمىزدەن باسقا مەملەكەتتەرگە اقشا اۋدارۋ كولەمى 16,6 پروتسەنتكە ارتقان. ال، شەتەلدەن قازاقستانعا اۋدارىلعان اقشا كەرىسىنشە 21,4 پروتسەنتكە قىسقارىپتى. دەگەنمەن ەل ىشىندەگى اقشا اۋدارىمدارى شامامەن 10 جارىم پروتسەنتكە وسكەن. شەتەلگە اۋدارىلعان قاراجاتتىڭ باسىم بولىگى رەسەي، قىرعىزستان، وزبەكستان مەن تۇركياعا تيەسىلى. ال، كەرىسىنشە، قازاقستانعا كەلگەن اقشانىڭ دەنى رەسەي، وڭتۇستىك كورەيا، قىرعىزستان مەن وزبەكستاننان اۋدارىلعان. اتاپ وتەيىك، ءبىزدىڭ ەلدە 6 حالىقارالىق اقشا اۋدارۋ جۇيەسى جۇمىس ىستەيدى. ەلدە ينتەرنەت الاياقتىق كوبەيگەن. قارا نيەتتىلەر ازاماتتارعا حابارلاسقاندا وزدەرىن بانك قىزمەتكەرى رەتىندە تانىستىرادى. بيىل انىقتالعان الاياقتاردىڭ 60 پروتسەنتى ءوزىن «قارجى ۇيىمىنىڭ وكىلىمىن» دەپ ايتقان. ودان سوڭ «مەملەكەتتىك ورگاننىڭ قىزمەتكەرىمىن»، «ونلاين- دۇكەننىڭ ساتۋشىسىمىن» دەيتىندەر دە بار.

ءبىر ەسكەرەتىن ءجايت، الاياقتار ادامنىڭ ەسىم- سويىن تۋرا تاۋىپ، ايتادى ەكەن. ەلدىڭ ءاربىر ءۇشىنشى تۇرعىنى وسىنداي قارا نيەتتىلەرگە الدانعان. الياقتار قوڭىراۋ شالعاندا 70 پروتسەنت جاعدايدا نەسيە راسىمدەۋدى ۇسىنادى. بۇل دەگەنىڭىز ارتىق مالىمەت بەرمەۋ كەرەك. مىسالى، الەۋمەتتىك جەلى ارقىلى كارتانىڭ ەكى بەتىنىڭ دە سۋرەتىن جىبەرۋگە بولمايدى. قاجەت بولعان جاعدايدا تەك ءنومىردى قولمەن تەرىپ جونەلتكەن ءجون. ونىڭ وزىندە دە الگى كارتانىڭ ءنومىرىن بىردەن ءوشىرىپ تاستاۋ قاجەت. ينتەرنەت دۇكەندەردە دە ءوزىڭىز جايلى اقپاراتتى ساقتاماڭىز. وسى ينتەرنەت ارقىلى تاپسىرىس بەرۋشىلەر كوبەيگەن. بۇل ەندى تۇسىنىكتى. ماسەلەن، ەل تۇرعىندارى بيىلعى جارتىجىلدىقتا ينتەرنەتپەن تاپسىرىس بەرۋ ارقىلى ءبىر ميلليارد دوللاردان كوپ قاراجات جۇمساعان. باسىم بولىگى ۇيىنە تاماق پەن ءدارى الدىرعان. اسىرەسە پيتستسا قالاعانداردىڭ قاتارى كوبەيگەن. وسى ورايدا «مارگاريتا پيتستساسىنىڭ» قۇنىن ايتايىق. «نارىقتاعى باعا» ايدارى. سونىمەن «مارگاريتا» پيتستساسى ورالدا 1500 تەڭگە. شىمكەنتتە دە باعا ورالداعىداي. اقتاۋدا 1300. الماتىدا 2000 تەڭگە. وسكەمەندە 1300 تەڭگە تۇرادى. كوكشەتاۋدا مارگاريتا پيتستساسى 1200 تەڭگە. ال ەلوردادا 1400 تەڭگەگە الۋعا بولادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى