چيلي ءانشىسى ديماشتىڭ اندەرىن يسپان تىلىندە ورىنداپ ءجۇر
دجوناتان دونوسو - تالانتتى ۆوكاليستەردىڭ ءبىرى. ونىڭ ديماش اندەرىن يسپان تىلىندە ورىنداپ، تىڭدارماندارعا كاۆەر ارقىلى جەتكىزىپ جۇرگەنىنە ءبىر جىلدان استى. وسىلاي ول كوپكە ونەردە ءتىل كەدەرگىسىنىڭ جوقتىعىن دالەلدەپ، قازاقستاندىق ورىنداۋشىنىڭ شىعارمالارىنان شابىت الىپ ءجۇر. چيلي ءانشىسى دجوناتان دونوسو بالا كەزدەن شىعارماشىلىققا بەت بۇردى. سەگىز جاسىندا فەستيۆالدارعا قاتىسىپ، ءان جانە انيماتسيالىق كەشتەردە ونەر كورسەتتى. وسىلاي مۋزىكاعا العاشقى قادام باستى.
جاسى 32 گە كەلگەن ءانشىنىڭ ءالى كۇنگە دەيىن ءان ونەرىنە سۇيىسپەنشىلىگى وشكەن ەمەس. دجوناتان چيليدەگى شاعىن، ءبىراق وتە ادەمى قالا رەنودا دۇنيەگە كەلگەن. ءقازىر ول سۇيىكتىسى انيتا ليگەروسپەن بىرگە سان- فەرناندودا تۇرادى. ەميليا، مارتين جانە داناي ەسىمدى ءۇش بالاسى بار. دجوناتان ءبىر جىل بۇرىن ديماشتىڭ «S. O. S» ءانىن ورىنداپ، Youtube جەلىسىنە جۇكتەگەن بولاتىن. ءوزىنىڭ ايتۋىنشا، وسى ساتتەن باستاپ ونىڭ ءومىرى تۇبەگەيلى وزگەردى. وسىدان كەيىن دجوناتان قازاق ۇلى ديماشتىڭ شىعارمالارىن قالت جىبەرمەي قاداعالاپ وتىردى. جاڭا اندەرىن تاعاتسىزدانا كۇتۋدى ادەتكە اينالدىردى. ونىڭ اندەرىنە كاۆەر جاساۋعا قۇشتارلىعى وياندى. شىعارمانى قايتا ورىنداۋ عانا ەمەس ءاننىڭ ءماتىنىن يسپان تىلىنە اۋدارىپ ورىنداۋدى قولعا الدى.
« ءاندى تىڭداعان كەزدە مەن ونىڭ ماعىناسىن تۇسىنبەيمىن، ويتكەنى باسقا تىلدە. ءبىراق ول ماعان قاتتى ۇناپ، ءبىر ارەكەت جاساۋعا بەلگى بەرگەندەي بولدى. بۇل سەزىم ديماشتىڭ «Give Me Lovە» ءانىن تىڭداعان كەزدە پايدا بولدى. ءاننىڭ اۋەنى قاتتى اسەر ەتتى دە بىردەن اۋدارماسىن ىزدەدىم. اۋدارماسى ءتىپتى تاڭ قالدىردى. ءماتىن مەنىڭ باسىمانان وتكەن قيىن كەزەڭدەر مەن ويلارىمدى سيپاتتاعانداي بولىپ، بىردەن كاۆەر جاسايمىن دەپ شەشتىم «، - دەيدى ۆوكاليست.
دجوناتان ءاننىڭ اۋدارماسىنىڭ ءۇش نۇسقاسىن تاۋىپ، يسپان تىلىندە ادەبي ءماتىن جازدى. وسىدان كەيىن، ءوزىنىڭ العاشقى شىعارماسىن ورىنداپ، ۆوكاليست ونى Smule جانە YouTube-كە جۇكتەدى. دجوناتاننىڭ كومپوزيتسيا نۇسقاسىنا ديماشتىڭ Dear- لارىنان قىزىقتى پىكىرلەر كەلە باستادى. بۇل ۆوكاليست ءۇشىن كۇتپەگەن جاعداي بولدى. ونى قولداعاندار دجوناتاننان تاڭعاجايىپ شىعارمالارىن توقتاتپاۋدى سۇراپ، جالعاسىن كۇتەتىنىن جەتكىزدى. بۇعان دەيىن قازاقستاندىق ءانشىنىڭ شىعارماسىن يسپان تىلىندە ەشكىم ەستىمەگەن. سول كۇننەن باستاپ دجوناتان ديماشتىڭ اندەرىنە كوبىرەك كاۆەر جاساۋ تۋرالى شەشىم قابىلدادى. وسىلايشا ونىڭ مۋزىكاسىنىڭ لاتىن امەريكاسىنا تارالۋىنا ىقپال ەتتى. دجوناتاننىڭ ارناسىنداعى سوڭعى ۆيدەولاردىڭ ءبىرى - ديماشقا ارنايى جازىلعان كۋەكا. چيلي حالقىنىڭ ۇلتتىق قازىناسىنا اينالعان بۇل جانر تۋرالى بۇعان دەيىن جازعان بولاتىنبىز . ۆوكاليست بۇل ارناۋدى ءوزىنىڭ قىزى انيتا لينەروسپەن بىرگە ورىندادى.
