عالىمدار ەت، قانت جانە گازدالعان سۋسىنداردىڭ قاۋىپتى ەكەنىن ايتتى
قىزىل جانە وڭدەلگەن ەت، تازارتىلعان قانت پەن ءداندى داقىلدار، قانتتى گازدالعان سۋسىندار بار ديەتا قاۋىپتى.
تالداۋ ءۇشىن دوكتور دجۋن لي باستاعان ماماندار قانداعى قابىنۋ بيوماركەرلەرىنىڭ سانىن باعالاۋ نەگىزىندە تاماقتانۋ يندەكسىن جاسادى. جالپى العاندا، عالىمدار قابىنۋ بيوماركەرلەرىن كۇشەيتەتىن 18 تاعامدى انىقتادى.
ەگەر ادام وسى تاعامداردى تۇتىناتىن بولسا، ولاردىڭ جۇرەك اۋرۋىنىڭ قاۋپى %46 عا، ال ينسۋلت قاۋپى %28 عا ارتادى. بۇل ستاتيستيكا دەنە سالماعىنىڭ يندەكسىنە، فيزيكالىق بەلسەندىلىككە، ءپوليۆيتاميندى قولدانۋعا جانە وتباسىلىق جۇرەك اۋرۋىنىڭ تاريحىنا نەگىزدەلگەن.
ديەتاڭىزعا قۇرامىندا انتيوكسيدانتتار مەن تالشىقتار بار تاعامداردى قوسۋ ارقىلى تاۋەكەلدى ازايتۋعا بولادى. قىرىققابات، شپينات، رۋكولا، اسقاباق، بۇرشاق، ءسابىز، سارى بۇرىش، كوفە، شاي جانە شاراپ. ارنايى توپقا گرەك جاڭعاعى جاتادى، ولار قابىنۋ بيوماركەرلەرىنىڭ دەڭگەيىن ەداۋىر تومەندەتەدى.
