قازاقستاندىق وتباسى قۇرت ساتقان اقشاسىنا ءۇي سالىپ الدى

بۇل تۋرالى «حابار» تەلەارناسىنىڭ سيۋجەتىندە كورسەتىلدى.

نيەتقابىلوۆتار وتباسى كوپتەگەن جىلداردان بەرى قۇرعاق ءسۇت ونىمدەرىن وندىرۋمەن اينالىسىپ كەلەدى. ونىمدەر جەرگىلىكتى تۇرعىندار اراسىندا ۇلكەن سۇرانىسقا يە.

ولاردىڭ شارۋاشىلىعىندا 20 دان استام سيىر بار. ولاردى جىل بويى ساۋادى. قۇرت جاساۋ پروتسەسىن تەزدەتۋ ءۇشىن قاراپايىم قولمەن جۇمىس ىستەيتىن ەت تارتقىشتى قولدانادى، ونىڭ كومەگىمەن ۇيدە جاسالعان قۇرت زاۋىتتا شىعارىلعانداي بولىپ كورىنەدى - بىركەلكى جانە فورماسىدا بىردەي.

«ءبىز بالالارعا ەڭبەكقورلىقتى ۇيرەتەمىز، ولار ءۇي شارۋاشىلىعىنا كومەكتەسەدى. ايەلىم ەكەۋمىز سيىر ساۋامىز. قىستا ءسۇت از بولادى، الايدا قۇرت دايىنداۋدى توقتاتپايمىز»، - دەيدى سارىقۇدىق اۋىلىنىڭ تۇرعىنى دۋلات نيەتقابىلوۆ.

كۇن سايىن نيەتقابىلوۆتار 400 داناعا دەيىن قۇرت دايىندايدى. ونى ارنايى دايىندالعان جىلى بولمەدە قۇرعاتادى. ءار اپتا سايىن وتاعاسى ونىمدەرىن ساتۋ ءۇشىن قالاعا بارادى.

«1-2 مىڭ دانا ساتامىز، سۇرانىس كوپ. ءبىزدىڭ قۇرتتى ءتىپتى اتىراۋ تۇرعىندارى دا سۇرايدى»، - دەيدى اۋىل تۇرعىنى ءاليا نيەتقابىلوۆا.

«15 جىل اتا- انامىزبەن تۇردىق. ءبىر جىل بۇرىن عانا بۇرىننان ارمان بولعان ءوز شاتىرىمىزعا قول جەتكىزدىك. مۇنىڭ ءبارى تاباندى ەڭبەكتىڭ ارقاسىندا جۇزەگە استى. وسىنداي كۇش- جىگەرمەن اقشا العان كەزدە ءاربىر تيىندى ۇنەمدەيسىز»، - دەپ مويىندادى دۋلات نيەتقابىلوۆ.

ءسۇت بيزنەسىمەن اينالىساتىن وتباسىنىڭ ۇلكەن جوسپارلارى بار. الداعى ۋاقىتتا نيەتقابىلوۆتار سەح سالىپ، قۇرت وندىرەتىن جابدىق ساتىپ الماق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى