جامبىلدىق دارىگەرلەر العاش رەت باس سۇيەككە تيتان پلاستيك قويۋ ارقىلى وتا جاسادى
ءجاسوسىپىرىم العاشقىدا ءوزىنىڭ اۋىرعانىن ەلەمەي، ۋاقىت سوزىپ العان. كەيىننەن اياق استىنان جاعدايى ناشارلاپ، السىرەي باستاعاندىقتان اتا- اناسى بالانى جەدەل جاردەم كومەگىمەن وبلىستىق كوپبەيىندى بالالار اۋرۋحاناسىنا اكەلگەن. كومپيۋتەرلىك توموگرافيالىق ساراپتامانىڭ قورىتىندىسى بويىنشا ونىڭ بۇرىننان باس سۇيەگىندە اقاۋى بار ەكەنى انىقتالىپ، ءارى يشەميالىق ينسۋلت الىپ ۇۇلگەرنى بەلگىلى بولادى. دارىگەرلەر شۇعىل تۇردە وتا جاساپ، بالانىڭ ءومىرىن ساقتاپ قالۋعا كىرىسكەن.
بىلىكتى نەيروحيرۋرگ سايات جۇمابايەۆتىڭ باسشىلىعىمەن بالاعا الەمگە ايگىلى نەمىس تەحنولوگياسى ارقىلى وڭ جاق باس سۇيەگىنىڭ ىسىگەن بولىگى ورنىنا تيتان پلاستيك (جاساندى تەمىر) سالىندى. ەڭ العاش رەت گەرمانيادا قولدانىلعان تيتاندىق پلاستيكا - قازىرگى ەڭ سوڭعى حيرۋرگيالىق جەتىستىكتەردىڭ ءبىرى بولىپ ەسەپتەلىنەدى. ولار 1996 -جىلدان بەرى شىرىگەن ءۇش سۇيەكتى الىپ تاستاپ، ورنىنا سونداي ۇلگىدەگى تيتاننان جاسالعان پروتەز سالۋدا. بۇگىندە گەرمانيادا ونداي پروتەزدىڭ 25 ءتۇرى شىعارىلىپ، ون جىلدان بەرى قولدانىسقا ەنگەن.
«بۇل پروتەز تەمىر بولعانىمەن، سالماعى 2 اق ميكروگرامم، وتە جۇقا ءارى نازىك. تيتاندىق پلاستيكالىق وپەراتسيانىڭ ناتيجەسىندە مي تامىرلارىنىڭ قابىنۋى، ءىسىنۋ جاعدايلارى ازايادى. ونى سالۋ جۇمىسى اسقان شەبەرلىكتى تالاپ ەتەدى. قازىرگى تاڭعا نەمىستەر ەۋروپا كولەمىندە 120 مىڭ تيتان پروتەزىن ىلگەن. وسى ارقىلى ادامنىڭ ءومىر ءسۇرۋ قابىلەتىن ارتتىرىپ قانا قويماي، سونىمەن بىرگە باستىڭ ىشىندەگى قابىنۋ، ءىسىنۋ جانە جالپى اۋرۋ جاعدايلارىنىڭ الدىن الاتىن بۇل ءتاسىلدىڭ ەلىمىزدە قولدانىلىپ كەلە جاتقانىنا كوپ بولعان جوق. مودەلدەنگەن تيتان تورىنىڭ قولدانىلۋى ارقىلى باس سۇيەگىنىڭ كەمىستىگىنە جاسالاتىن وتانى تارازدىق دارىگەرلەر العاش رەت جاساپ وتىر»، - دەلىنگەن وبلىستىق دەنساۋلىق ساقتاۋ باسقارماسىنىڭ حابارلاماسىندا.
بۇگىندە ناۋقاستىڭ وتادان كەيىنگى جاعدايى كۇن سايىن جاقسارىپ كەلەدى. الايدا، ءجاسوسپىرىمنىڭ دەنساۋلىعىن ۇدايى باقىلاپ وتىرۋ ءۇشىن دارىگەرلەر وعان تەكسەرىلىپ تۇرۋدى جانە جىلىنا ەكى مارتە وڭالتۋ ورتالىعىنا كەلىپ، تۇراقتى ەم قابىلداۋدى ۇسىنعان.
