ا ق ش- تا پرەزيدەنتتىك سايلاۋ باستالىپ كەتتى

ءتىلشى:

- بۇگىن قاراشانىڭ 3 ءى، جەرگىلىكتى ۋاقىت بويىنشا تاڭعى ساعات 8:00. دەمەك دونالد ترامپ پەن دجو بايدەننىڭ اراسىنداعى پرەزيدەنتتىك تارتىس اياقتالاتىن كۇن دەگەن ءسوز. ەرتەڭ بارلىق شتاتتا داۋىس ەرۋ توقتاتىلىپ، بيۋللەتەندەردى جيناۋ باستالادى. پرەزيدەنتتىك سايلاۋدان بولەك بۇگىن امەريكا حالقى وكىلدەر پالاتاسىنىڭ جاڭا قۇرامى مەن سەناتتىڭ ۇشتەن ءبىر بولىگىن سايلايدى. كۇننىڭ سوڭىندا بىرنەشە شتاتتا بەيرەسمي قورىتىندى جاريالانادى دەپ كۇتىلۋدە.

«ءبىز تۇرعان ۆاشينتونداعى داۋىس بەرۋ ۋچاسكەلەرى كەشكى ساعات 21: گە دەيىن جۇمىس ىستەيدى جانە داۋىس بەرۋشىلەردىڭ سانى وتە جوعارى بولادى ، - دەيدى ماماندار.

قازىردىڭ وزىندە پوشتا ارقىلى داۋىس بەرگەندەردىڭ رەكوردتىق كورسەتكىشى تىركەلىپ وتىر. 100 ميلليون عا جۋىق امەريكالىق داۋىس بەرسە، ونىڭ 62 ميلليونى ءوز تاڭداۋلارىن پوشتا ارقىلى جاساپتى.

ا ق ش- تاعى سايلاۋدىڭ قورىتىندىسىن قۇبىلمالى دەپ اتالاتىن شتاتتار ءجيى شەشەتىنى بەلگىلى. وسى شتاتتاردا ۇمىتكەرلەر قانداي ناتيجەگە جەتۋى مۇمكىن؟

ساۋالنامالاردىڭ بۇل جونىندە بولجامى قانداي؟ بيىلعى پرەزيدەنتتىك سايلاۋدا ساراپشىلاردىڭ قورىتىندىسى بويىنشا قۇبىلمالى شتاتتاردىڭ سانى - 8.

ولار: پەنسيلۆانيا، دجوردجيا، ۆيسكونسين، اريزونا، فلوريدا، سيەۆەرنايا- كارولينا، ميچيگان جانە ميننەسوتا. بۇل - ەڭ نەگىزگى جانە شەشۋشى شتاتتار. حالىقتىق ساۋالناما بويىنشا بايدەن الدا كەلەدى. ءتىپتى پەنسيلۆانيا، ميچيگان، اريزونا سياقتى قۇبىلمالى شتاتتاردىڭ تۇرعىندارى دا بايدەنىنڭ كانديداتۋراسىن قولداپ وتىر.

CNN- ءنىڭ زەرتەۋى بويىنشا بايدەن قازىردىڭ وزىندە ەلەكتورالدى كوللەدجدىڭ 279 داۋىسىن جيناپ وتىر. پرەزيدەنت اتانۋ ءۇشىن ونىڭ 270 جيناعانى دا جەتكىلىكتى. ال دونالد ترامپ بولسا، 20 شتاتتا كوش باستاپ كەلەدى. ەلەكتورالدى داۋىستاردىڭ سانى - 125. تەحاستى قوسساق، 163 داۋىس. دەگەنمەن بۇل تەك بەيرەسمي جانە الدىن الا جاسالىپ جاتقان اقپارات، قورىتىندى شەشىم ەمەس. بارلىعى 2016 -جىلداعىداي سوڭعى ساتتە وزگەرىپ كەتۋى مۇمكىن.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى