قازاقستاندا ايەلدەرگە ارنالعان يپوتەكانىڭ شارتتارى قانداي

«ايەلدەر يپوتەكاسى» باعدارلاماسى وسى جىلدىڭ باسىندا ىسكە قوسىلۋى ءتيىس بولاتىن. الايدا، پاندەمياعا بالانىستى كەيىنگە شەگەرىلدى. بۇل ماسەلە پىسىقتالىپ جاتىر. جاقىن ارادا ونى جاريا ەتەمىز» ، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

«تۇرعىن ءۇي قۇرىلىس جيناق بانكى» ا ق باسقارما ءتوراعاسىنىڭ ورىنباسارى ءاليا ايداربەكوۆا قازاقستاندا تۇرعىن ءۇي سالاسىندا گەندەرلىك تەڭدىكتى جەتىلدىرۋ ماقساتىندا ايەلدەرگە ارنالعان يپوتەكا جوباسى جۇزەگە اسىرىلاتىندىعىن ايتقان ەدى.

«تۇرعىن ءۇي قۇرىلىس جيناق بانكى تاعى ءبىر جوبانى ىسكە قوستى. ونى 2020 -جىلى جۇزەگە اسىرۋدى جوسپارلاپ وتىر. بۇل «تۇرعىن ءۇي قۇرىلىسىن قارجىلاندىرۋدا گەندەرلىك تەڭدىكتى قولداۋ جونىندەگى جوبا» نەمەسە «ايەلدەر يپوتەكاسى» دەپ اتالادى. جوبانى ازيا دامۋ بانكى 38 ميلليارد تەڭگە كولەمىندە قارجىلاندىرادى» ، - دەگەن ەدى ول.

ءاليا ايداربەكوۆانىڭ ايتۋىنشا، ايەلدەرگە نەسيەلەر باستاپقى جانە قايتالاما تۇرعىن ءۇي ساتىپ الۋعا بەرىلەدى. نەسيەنىڭ ەڭ جوعارى سوماسى 30 ميلليون تەڭگەنى قۇرايدى. ونى الۋ ءۇشىن تابىسى 200 مىڭ تەڭگەدەن تومەن بولسا، ەڭ تومەنگى باستاپقى جارنا 15 پايىز مولشەرىندە بولادى. ال تابىسى 200 مىڭ تەڭگەدەن اساتىن ايەلدەر ءۇشىن باستاپقى جارنا - 20 پايىز. پايىزدىق مولشەرلەمە الدىن الا بولجام بويىنشا، 12 پايىز دەڭگەيىندە بولادى. ال «تۇرعىن ءۇي قۇرىلىس جيناق بانكىندە» اقشا جيناعاندار ءۇشىن ستاۆكا تومەندەپ، 3,5-5 پايىزدى قۇرايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى