سولتۇستىك قازاقستاندا شەكتەۋلەر كۇشەيتىلىپ، پەتروپاۆل كارانتينگە جابىلدى

قازاقپارات بۇل تۋرالى ۆ ا ك اقپاراتىنا سىلتەمە جاساپ حابارلايدى. ءمالىم ەتىلگەندەي، COVID-19- دى شەتەلدەن جۇقتىرىپ كەلۋ جاعدايلارىنىڭ جالعاسىپ جاتقانىن ەسكەرە وتىرىپ، ۆەدومستۆوارالىق كوميسسيا حالىقارالىق ەكى جاقتى جانە ترانزيتتىك جۇك تاسىمالىن جۇزەگە اسىراتىن جۇرگىزۋشىلەر (شەتەلدىك جانە قازاقستان رەسپۋبليكاسى ازاماتتارى) ءۇشىن كوروناۆيرۋسقا پ ت ر- تەستىلەۋدىڭ تەرىس ناتيجەسى بار انىقتامانى (بەرىلگەن ساتتەن باستاپ 3 تاۋلىكتەن اسپايتىن) ۇسىنۋ مىندەتىن ەنگىزدى. قازاقستان ازاماتتارىنىڭ مۇنداي انىقتاماسى بولماعان جاعدايدا، جۇك تاسىمالداۋشىلار پ ت ر- تەست ناتيجەلەرى دايىن بولعانعا دەيىن 2 تاۋلىككە كارانتينگە ورنالاستىرىلاتىن بولادى. تالاپ بيىلعى 9 -قاراشادان باستاپ كۇشىنە ەنەدى. سونىمەن قاتار، ۆ ا ك وبلىس اكىمدىگىنە 9 -قاراشادان باستاپ ءبىرقاتار شەكتەۋ شارالارىن ەنگىزۋدى تاپسىردى:

- پەتروپاۆل قالاسىندا قالانىڭ پەريمەترى بويىنشا بلوكپوستار ورناتىلا وتىرىپ، كارانتين ەنگىزىلەدى؛

- كۇن سايىنعى ءوسىمى 10 نان استام جاعدايدى قۇرايتىن ەلدى مەكەندەردە سانيتارلىق بلوكپوستار ورناتىلادى؛

- پەتروپاۆل- الماتى باعىتى بويىنشا تەمىرجول تاسىمالدارىن اپتاسىنا 7 دەن 3 رەتكە دەيىن قىسقارتىلادى؛

- وبلىس ىشىندە جولاۋشىلار تەمىرجول قۇرامدارىنىڭ ايالداۋىنا تىيىم سالىنادى؛

- پەتروپاۆل قالاسىنان شىعاتىن اۆياجولاۋشىلاردا تەرىس ناتيجەسى بار پ ت ر- انىقتامانىڭ (بەرىلگەن ساتتەن باستاپ 3 تاۋلىكتەن اسپايتىن) بولۋى مىندەتتى؛

- ءدىني وبەكتىلەردىڭ، تەاترلاردىڭ، كينوتەاترلاردىڭ، مادەنيەت وبەكتىلەرىنىڭ قىزمەتى ۋاقىتشا توقتاتىلادى؛

جۇمىس كۇندەرى:

- ءۇي- جايلارداعى قوعامدىق تاماقتاندىرۋ وبەكتىلەرىنىڭ جۇمىسىن ءبىر مەزگىلدە 30 دان اسپايتىن كەلۋشىلەر بولعان جاعدايدا، 30 دان كەم ورىندى وبەكتىلەر ءۇشىن ەسەپتىك ورىنداردىڭ %50 ىنان اسپايتىن جاعدايدا ساعات 8.00 دەن 21.00 گە دەيىن شەكتەلەدى؛

- ساۋدا ۇيلەرى، ساۋدا ورتالىقتارى، اۋدانى 500 شارشى مەتردەن استام ازىق- تۇلىكتىك ەمەس دۇكەندەر جۇمىسىن ساعات 10.00 دەن 20.00 گە دەيىن شەكتەلەدى. دەمالىس كۇندەرى قوعامدىق تاماقتانۋ وبەكتىلەرىنىڭ جۇمىسىن تاپسىرىس بەرۋشىگە جەتكىزۋ نىسانىنا اۋىستىرۋ ارقىلى ساعات 08.00 دەن 21.00 ساعاتقا دەيىن شەكتەۋدى؛

- دەمالىس جانە مەرەكە كۇندەرى ساۋدا ۇيلەرى، ساۋدا ورتالىقتارى، اۋدانى 500 شارشى مەتردەن اساتىن ازىق- تۇلىكتىك ەمەس دۇكەندەر جۇمىسى شەكتەلەدى؛

- جەكسەنبى كۇندەرى سۇلۋلىق سالوندارىنىڭ، شاشتارازداردىڭ، باسسەيندەردىڭ، فيتنەس- كلۋبتاردىڭ، جاتتىعۋ زالدارىنىڭ جۇمىسى شەكتەلەدى؛

- وفلاين كەڭەستەر وتكىزۋگە تىيىم سالىنادى؛

- قىزمەتكەرلەردىڭ كەمىندە %80 ىن قاشىقتان جۇمىس فورماتىنا اۋىستىرۋدى قامتاماسىز ەتۋ قاجەت؛

- اۋەجايلارعا، تەمىر جول ۆوكزالدارىنا كۇتىپ الاتىن جانە شىعارىپ سالاتىن تۇلعالاردى كىرگىزۋگە تىيىم سالىنادى (بيلەت بولعان جاعدايدا عانا وتكىزۋدى)؛

- 65 جاستان اسقان ادامدارعا ازىق- تۇلىكتى، ءبىرىنشى كەزەكتە قاجەتتى تاۋارلاردى، ءدارى- دارمەكتەردى جانە مەديتسينالىق بۇيىمداردى ساتىپ الۋ جاعدايلارىن قوسپاعاندا، اسا قاجەتتىلىكسىز تۇرعىلىقتى جەرىنەن شىقپاۋ ۇسىنىلادى؛

- كارانتين رەجيمىن ساقتاۋ جونىندەگى مونيتورينگتىك توپتاردىڭ جۇمىسى، اتاپ ايتقاندا پەتروپاۆل قالاسى، ايىرتاۋ، اققايىڭ، اقجار اۋداندارىندا كۇشەيتىلەدى؛

- كارانتين رەجيمىن ساقتاۋ قاجەتتىلىگى تۋرالى حالىق اراسىندا اقپاراتتىق- ءتۇسىندىرۋ جۇمىستارى كۇشەيتىلەدى؛

- وبلىس تۇرعىندارىن پ ت ر- تەستىلەۋمەن قامتۋ كولەمى ارتتىرىلادى. ۆاك اقپاراتىنا سايكەس، ۆيتسە- پرەمەر ەرالى توعجانوۆ س ق و- عا ساپارى بارىسىندا الدىمەن، وبلىستىق كوپسالالى بالالار اۋرۋحاناسىندا بولىپ، ءوڭىردىڭ كوروناۆيرۋستىق ينفەكتسيانىڭ ەكىنشى تولقىنىنا دايىندىعى بويىنشا جۇمىستارىن تەكسەردى. سونداي- اق ەلدىڭ وڭتۇستىك جانە باتىس وڭىرلەرىنەن كەلگەن جاس مەديتسينا قىزمەتكەرلەرىمەن كەزدەسۋ وتكىزدى.

بۇدان بولەك، وڭىردەگى ەپيدەميولوگيالىق جاعداي بويىنشا وبلىس باسشىلىعىمەن كەڭەس وتكىزدى، وبلىس اكىمى قۇمار اقساقالوۆتىڭ، جەرگىلىكتى مەملەكەتتىك ورگاندار باسشىلارىنىڭ قابىلدانىپ جاتقان شارالار تۋرالى ەسەبىن تىڭدادى. پرەمەر- ءمينيستردىڭ ورىنباسارى وڭىردە تىركەلگەن COVID-19 فاكتىلەرى سانىنىڭ ارتىپ وتىرعانىن اتاپ ءوتتى. وبلىستىڭ كەيبىر اۋداندارىندا كوروناۆيرۋستىق ينفەكتسيامەن اۋىرۋ وتكەن ايمەن سالىستىرعاندا 4,7 ەسە وسكەن. ۆيتسە- پرەمەر جەرگىلىكتى بيلىك ورگاندارىنىڭ ايماقتاعى ەپيدەميولوگيالىق جاعدايدى تۇراقتاندىرۋعا كۇش جۇمىلدىرۋ قاجەتتىگىن اتاپ ءوتتى. سونداي- اق ە. توعجانوۆ 200 ورىندىق جاڭا مودۋلدىك ينفەكتسيالىق اۋرۋحانانىڭ اشىلۋىنا قاتىستى. وڭىردەگى ەپيدەميولوگيالىق جاعداي ۇكىمەتتىڭ تۇراقتى باقىلاۋىندا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى