كوروناۆيرۋس: شىعىس قازاقستان وبلىسى «قىزىل ايماققا» ەنگىزىلدى

1-قازان مەن 2-قاراشا ارالىعىندا وبلىس بويىنشا 1681 رەيد جۇرگىزىلىپ، 9321 نىسان قامتىلعان. سانيتارلىق- ەپيدەميولوگيالىق تالاپتاردى ساقتاماعاندارعا ق ر ا ق ب ت ك-نىڭ 425-بابى 1-بولىگىمەن 381 ايىپپۇل سالىندى.

وبلىستا جالپى قۋاتتىلىعى تاۋلىگىنە 7 مىڭ سىنامامەن جۇمىس ىستەي الاتىن 10 زەرتحانا بار. بۇل جۇكتەمە ءوڭىر اۋماعىنا ارتىعىمەن جەتكىلىكتى. قازىرگى ۋاقىتتا تاۋلىگىنە ورتا ەسەپپەن 3000 عا دەيىن زەرتتەۋ جۇرگىزىلۋدە. پ ت ر تەستىلەرىنىڭ تاپشىلىعى جوق. بۇگىندە وبلىستا 78 مىڭ تەست بار. بۇل كەم دەگەندە 3 ايعا جەتكىلىكتى جانە ولار ۇنەمى تولىقتىرىلىپ وتىرادى.

«وزدەرىڭىز بىلەتىندەي، الەمنىڭ كوپتەگەن ەلدەرىندە قاتاڭ لوكداۋندار ەنگىزىلگەن. يسپانيادا توتەنشە جاعداي رەجيمى مەن كومەندانتتىق ساعات ەنگىزىلدى، شەكتەۋلەردى 2021 -جىلدىڭ مامىرىنا دەيىن ۇزارتۋ جوسپارلانۋدا. يرلانديادا 6-قازاننان باستاپ قايتا لوكداۋن جاريالاندى. ۇيلەرىنەن 5 شاقىرىمنان اساتىن قاشىقتىقتا جۇرۋگە تىيىم سالىنىپ، بارلىق كاسىپورىنداردىڭ جۇمىسى توقتاتىلدى»، - دەيدى ش ق و تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ مىندەتىن اتقارۋشى تالعات تۇڭعىشبايەۆ.

ونىڭ ايتۋىنشا، فرانسيادا 1-جەلتوقسانعا دەيىن كومەندانتتىق ساعات ەنگىزىلدى. گەرمانيادا قايتا كارانتين جاريالانىپ، قوناق ۇيلەر، تاماقتانۋ ورىندارى جابىلدى.

«ال ءبىزدىڭ وبلىستا جۇمسارتىلعان شەكتەۋلەر بەكىتىلدى. كاسىپورىندار جابىلماي، كومەندانتتىق ساعات ەنگىزىلمەيدى. وڭىردەگى بارلىق شەكتەۋ شارالارى ادامداردىڭ دەنساۋلىعى مەن ءومىرىن قورعاۋعا باعىتتالعان. ءبىز ازاماتتاردىڭ وسى شەكتەۋ شارالارىنا جاۋاپكەرشىلىكپەن قاراپ، تۇسىنىستىك تانىتارىنا سەنەمىز. ءوزىڭىزدى جانە جاقىندارىڭىزدى قورعاڭىز!»، - دەدى تالعات تۇڭعىشبايەۆ.

سوڭعى مالىمەتتەرگە سايكەس، شىعىس قازاقستاندا 10747 ادام كوروناۆيرۋس جۇقتىرعان. ونىڭ ىشىندە 8508 ادام جازىلىپ شىقسا، كوز جۇمعاندار سانى - 249.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى