دارىگەر ءيىس سەزبەي قالعان ادامداردا قانداي اۋرۋ پايدا بولۋى مۇمكىن ەكەنىن ايتتى
بۇل تۋرالى رەسەيلىك دارىگەر الەنا پارەتسكايا ايتتى، - دەپ حابارلايدى «كومسومولسكايا پراۆدا».
دارىگەردىڭ ايتۋىنشا، ءيىس سەزبەي قالعان ناۋقاستاردىڭ كوبى ءوزىن كوروناۆيرۋس جۇقتىردىم دەپ سانايدى. الايدا كوروناۆيرۋستان باسقا دا اۋرۋلار بولۋى مۇمكىن. پارەتسكايا ءيىس سەزۋ قابىلەتىنەن ايىرىلعانداردىڭ كوبىندە ورتالىق جۇيكە جۇيەسى اۋرۋلارى اسقىناتىنىن ەسكەرتەدى. مىسالى، التسگەيمەر اۋرى.
سونىمەن قاتار، ءيىس جوعالۋى باس جاراقاتىنىڭ نەمەسە مۇرىننىڭ جوعارعى بولىگىنىڭ اۋىر جاراقاتىنىڭ جاناما اسەرى بولۋى مۇمكىن ەكەنى ايتىلادى.
«ەگەر ادام بىرتىندەپ ءيىس سەزۋ قابىلەتىن جوعالتا باستاسا، ءبىراق ءبىراز ۋاقىتتان سوڭ ءيىس سەزۋى قالپىنا كەلسە، بۇل ينفەكسيالاردان نەمەسە اللەرگيالىق رەاكتسيادان تۋىنداعان بولۋى مۇمكىن. سونداي- اق، ءيىس جوعالتۋ گورمونالدى ديسبالانس، ءتىس اۋىرۋى نەمەسە رادياتسيالىق تەراپيانىڭ سالدارى رەتىندە بولۋى مۇمكىن»، - دەيدى دارىگەر.
