الماتى اكىمى قالاداعى پروبلەمالىق ۋچاسكەلەرگە باردى

«دۋمان» ىقشاماۋدانىندا 18,5 شاقىرىم سۋمەن جابدىقتاۋ جانە 26 شاقىرىم سۋ بۇرۋ جەلىلەرىنىڭ قۇرىلىسى اياقتالۋدا. قوعامدىق كولىك باعىتتارى وتەتىن 6 كوشەدە - حان ءتاڭىرى، قازىعۇرت، قارقارالى، اقمەشىت، بوراباي، بولاشاقتا 3,7 شاقىرىم جولدا كۇردەلى جوندەۋ جۇمىستارى باستالدى. بۇل جۇمىستاردى قاراشا ايىندا اياقتاۋ جوسپارلانعان»، - دەپ جازدى باقىتجان ساعىنتايەۆ Instagram پاراقشاسىندا.

سونىمەن قاتار، ول كەلەسى جىلى قالعان 53 كوشەنىڭ جولى جوندەلەتىنىن اتاپ ءوتتى. «مۇزتاۋ» ىقشاماۋدانىندا ينجەنەرلىك جەلىلەردى سالۋعا بايلانىستى قازىلعان جول جابىنىن تەز ارادا قالپىنا كەلتىرۋدى تاپسىردىم. بۋتاكوۆكا شاتقالىنا اپاراتىن جولدىڭ ۇزىندىعى - 4,6 شاقىرىم. بۇل جول تۋريستىك باعىتتاردىڭ قاتارىنا كىرەدى»، - دەپ جازدى ب. ساعىنتايەۆ.

تاعى ءبىر ماسەلەنىڭ شەشىمى جاۋىن- شاشىننان كوشكىن ءجۇرۋى ىقتيمال «كومپوت» دەپ اتالاتىن ءماسسيۆتىڭ تۇرعىندارىن قورعاۋعا مۇمكىندىك بەردى. كوككيناكي كوشەسىندەگى قاۋىپتى ايماقتا 42 ءۇي بولعان. بيىل جىلدىڭ سوڭىنا دەيىن جالپى ۇزىندىعى 350 شاقىرىم بولاتىن بەتكەيلەردى نىعايتۋ جوسپارلانعان. المالىق كوشەسى بويىنداعى ەڭىستى نىعايتىپ، ارىق جۇيەسىن ورناتۋ جۇمىستارى اياقتالدى، مۇنداعى قاۋىپتى ايماقتا 60 ءۇي بولدى.

ەسكە سالايىق، تاۋ بوكتەرىندە تۇراتىن تۇرعىندار كوشكىن قاۋپىنەن قورقىپ، الماتى قالاسىنىڭ اكىمى ب. ساعىنتايەۆتان كومەك سۇراعان ەدى. ونىڭ تاپسىرماسى بويىنشا قاراجات ءبولىندى جانە بەتكەيلەردى نىعايتۋعا مۇمكىندىك بەرەتىن گابيون قۇرىلىمدارىنىڭ قۇرىلىسى جۇزەگە استى. سونىمەن قاتار، جاڭبىر سۋىن اعىزاتىن ارىقتار سالىنىپ جاتىر.

اۆتور: الما مۇقانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى