نۇر- سۇلتاندا تۇرىك ينۆەستورلارى ماسكا شىعاراتىن كاسىپورىن سالادى

«MFA Mask» كومپانياسىنىڭ تۇرىك ينۆەستورلارى نۇر- سۇلتاندا مەديتسينالىق ماسكالار وندىرىسىنە ينۆەستيتسيا سالماق. ق ر پرەمەر- ءمينيسترىنىڭ ورىنباسارى ەرالى توعجانوۆتىڭ توراعالىعىمەن وتكەن كەڭەس بارىسىندا ق ر سىرتقى ىستەر مينيسترلىگى، نۇر- سۇلتان قالاسىنىڭ اكىمدىگى جانە «MFA Mask» اراسىندا جوبانى ىسكە اسىرۋ تۋرالى ءتيىستى ءۇشجاقتى مەموراندۋمعا قول قويىلدى. كاسىپورىن نۇر- سۇلتاندا «استانا - جاڭا قالا» ارنايى ەكونوميكالىق ايماعىنىڭ اۋماعىندا ورنالاسادى. جالپى قۇنى شامامەن 9,3 ميلليون دوللاردى قۇرايتىن جوبانى «KAZAKH INVEST» ۇ ك» ا ق قولداۋىمەن ىسكە اسىرۋ جوسپارلانىپ وتىر»، - دەلىنگەن اقپاراتتا.

قۇجاتقا سايكەس، تۇرىك كاسىپكەرلەرى جوبانى 2024 -جىلعا دەيىن ەكى كەزەڭدە جۇزەگە اسىرۋدى كوزدەپ وتىر. ءبىرىنشى كەزەڭدى 2021 -جىلدىڭ قازان ايىندا اياقتاۋ جوسپارلانۋدا. سولايشا، جىل سايىن 3,5 ميلليونعا دەيىن مەديتسينالىق بۇيىم شىعارۋ كوزدەلىپ وتىر. ەكىنشى كەزەڭدە ءونىم كولەمى 10 ميلليون بىرلىككە دەيىن ارتتىرىلماق.

«كاسىپورىندا FFP2 جانە FFP3 ساناتتاعى رەسپيراتورلار شىعارىلاتىن بولادى. سونداي- اق گازقاعارلار مەن سۇزگىلەر، ەۆاكۋاتسيالاۋعا ارنالعان وزدىگىنەن توتىقتىرىلاتىن ماسكالار ءوندىرىسى جولعا قويىلادى. جوبانى ىسكە اسىرۋ 100 گە جۋىق تۇراقتى جۇمىس ورنىن قۇرۋعا مۇمكىندىك بەرەدى. كاسىپورىندا زاماناۋي تۇرىك جانە نەمىس جابدىقتارىن ورناتىلادى. بۇدان باسقا، تۇركيادان جوعارى ساپالى سەرتيفيكاتتالعان شيكىزاتتى جەتكىزۋ جولعا قويىلادى. وندىرىلگەن ءونىم قازاقستان نارىعىنا جەتكىزىلىپ، رەسەي مەن ورتالىق ازيا ەلدەرىنە ەكسپورتتالادى»، - دەدى «KAZAKH INVEST»- تەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى