مينيسترلىك «الىپپەنىڭ» وقۋ باعدارلاماسىنا قاشان ەنگىزىلەتىنىن ايتتى

بۇل تۋرالى ق ر ءبىلىم جانە عىلىم ۆيتسە-ءمينيسترى شولپان كارينوۆا ءمالىم ەتتى، دەپ حابارلايدى قازاقپارات ءتىلشىسى.

«الىپپەنىڭ» وقۋ باعدارلاماسىنا قاتىستى وقۋلىقتار ازىرلەۋ جۇمىستارى باستالدى. بۇل جۇمىستىڭ سوڭى رەتىندە 2021 -جىلدىڭ قاڭتار ايىنان باستاپ وقۋلىقتار اپروباتسياعا ەنگىزىلەتىن بولادى. ول ءۇشىن ءبىلىم جانە عىلىم مينيسترلىگى اپروباتسيا وتكىزەتىن پيلوتتىق مەكتەپتەردىڭ تىزبەسىن بەكىتتى»، - دەدى ۆيتسە- مينيستر ورتالىق كوممۋنيكاتسيالار قىزمەتىندە.

ونىڭ سوزىنە قاراعاندا، وسى بەكىتكەن تىزبەگە بايلانىستى بارلىق مەكتەپتە «الىپپە» باعدارلاماسى زەردەلەنەدى.

«ودان كەيىن وقۋلىق دايارلاۋدىڭ بارلىق كەزەڭدەرىنە بايلانىستى تولىق تالداۋ جاساۋ جۇمىسى جۇرىگىزىلەدى. ساراپتامادان وتكەن وقۋلىقتار جاڭا وقۋ جىلىندا ەنگىزىلەدى. جالپى، «الىپپەنى» ەنگىزۋ 2021-2022 -جىلعا جوسپارلانعان»، - دەدى شولپان كارينوۆا.

ونىڭ ايتۋىنشا، «الىپپە» احمەت بايتۇرسىن ۇلىنىڭ ادىستەمەسى نەگىزىندە دايىندالادى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى