دەنساۋلىق ساقتاۋ ءمينيسترى دۇكەندە ۇزاق كەزەكتە تۇرماۋعا شاقىردى

بيىل 2- قاراشادان 13- جەلتوقسانعا دەيىن ەلدەگى كارانتين شارالارىنىڭ كۇشەيۋىنە بايلانىستى كوپتەگەن بەلگيالىقتار دۇكەندەردە ۇزىن-سونار كەزەككە تۇرىپ، ءتۇرلى تاۋارلار ساتىپ الا باستادى.

وسى اپتادا-اق ءىرى سۋپەرماركەتتەردە قاجەتتى تاۋارلاردى جاپپاي ساتىپ الۋ باستالدى. سونداي-اق، جيھاز دۇكەندەرىندە، «Decathlon» سپورتتىق دۇكەندەرىندە جانە كيىم-كەشەك، ەلەكتر تاۋارلارى مەن باسقا دا ساۋدا ورىندارىندا حالىقتىڭ كوپ جينالۋى بايقالدى.

«ەگەر بۇل اسا قاجەت بولماسا، دۇكەنگە توپتاسىپ بارماڭىزدار»، - دەدى ف. ۆاندەنبرۋكە.

ءمينيستردىڭ ايتۋىنشا، كارانتين كەزىندەگى ۇزىن-سونار كەزەكتەر «ءقاۋىپتى»، بۇل ينفەكتسيانىڭ ودان ءارى تاراۋىنا ىقپال ەتەدى. سونىمەن بىرگە، ف. ۆاندەنبرۋكە ازىق-تۇلىك پەن قاجەتتى باستاپقى زاتتار ساتاتىن دۇكەندەر اشىق قالاتىنىن ايتتى.

بارلىق دۇكەندەر ونلاين رەجيمدە تاپسىرىس قابىلداپ، ۇيگە دەيىن جەتكىزە الادى. 2- قاراشادان باستاپ بەلگيادا قاتاڭ لوكداۋن باستالادى: دۇكەندەر (ازىق-تۇلىك دۇكەندەرىنەن باسقا)، سۇلۋلىق سالوندارى، شاشتارازدار جابىلادى. سپورتتىق، مادەني شارالار توقتاتىلدى.

قىزمەتكەرلەردىڭ كوپشىلىگى قاشىقتان جۇمىس ىستەۋگە اۋىسادى. ادامداردىڭ كوشەدە كەشكى ساعات 22 دەن تاڭعى 6 عا دەيىن جۇرۋىنە تىيىم سالىنادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى