كوكشەتاۋ اۆتوۆوكزالىنىڭ عيماراتىنا «ساپارجاي» ءسوزى جازىلدى
جولاۋشىلار نۇر- سۇلتان، تەمىرتاۋ، پاۆلودار، پەتروپاۆل، رۋدنىي قالالارىنا بارىپ ءجۇردى. سونداي- اق، قازاقستان شەكاراسىنا جاقىن ورنالاسقان ومبى، ەكاتەرينبۋرگ، تۇمەن، قورعان سياقتى رەسەي قالالارى دا باعىتتار كارتاسىنا ەنگىزىلدى، دەپ حابارلايدى «قازاقپارات» ح ا ا وبلىستىڭ ىشكى ساياسات باسقارماسىنا سىلتەمە جاساپ.
بۇگىندە ساپارجاي وبلىس اۋماعىندا جەتى باعىتقا عانا قىزمەت كورسەتەدى. بيىلعى جىلى ساپارجاي عيماراتىنا جوندەۋ جۇمىستارى جۇرگىزىلىپ، سىرتقى توبەسى اۋىستىرىلدى جانە نىسانعا ءىشىنارا جاڭارتۋ جۇمىستارى جۇرگىزىلدى. باسشىلىقتىڭ ايتۋىنشا، ساپارجاي عيماراتى 1980 -جىلداردىڭ باسىندا سالىنعان جانە سودان بەرى سىرتقى كەلبەتىن وزگەرتپەگەن. بۇل ەكى قاباتتى اق بەتون قۇرىلىمى. جابىق توقتاۋ پلاتفورمالارى ۆوكزالدىڭ ارتىندا، اۆتوبۋس تۇراعىمەن بىرگە ورنالاسقان.
بىرنەشە جىل بۇرىن كەشەن دۋالمەن قورشالىپ، كىرەبەرىس شلاگباۋممەن جابدىقتالعان. تاعى ءبىر جاڭالىق - عيماراتتا «اۆتوۆوكزال» ءسوزى قازاق تىلىندە جازىلدى. ياعني، «ساپارجاي» ءسوزى وبلىس ورتالىعىنىڭ اسەم كەلبەتىن اشا ءتۇستى.
«مەنىڭ ويىمشا، بۇل وتە ماڭىزدى وقيعا، ويتكەنى ساپارجاي كولىك ينفراقۇرىلىمىنىڭ جەلىسى رەتىندە ماڭىزدى ءرول اتقارادى. بۇرىن كوروناۆيرۋسقا دەيىن كوپتەگەن ترانزيتتىك باعىتتار ءبىزدىڭ ساپارجاي ارقىلى وتەتىن، ال ادامدار ترانزيتتىك جولاۋشىلار بولىپ ەسەپتەلەدى. سوندىقتان قالانى كورمەيتىن، تەك ساپارجايدى كورەتىن ادامدار وسىندا كەلىپ، ءارى قاراي ترانزيتپەن جۇرەدى. ولار ءبىزدىڭ قالامىزدىڭ ۆوكزالىن كورگەندە، قالا تۋرالى اسەر الىپ، ولاردىڭ كوكشەتاۋ تۋرالى پىكىرى قالىپتاسادى. ەندى ساپارجايىمىزدى كورگەن ادام جاقسى اسەردە بولادى»، - دەگەن ويىمەن ءبولىستى ساپارجاي ديرەكتورى سايلاۋ نۇرتازين.
