قازاقستاندا ماسكا ارتىعىمەن شىعارىلىپ جاتىر

بۇل تۋرالى «س ق-فارماتسيا» ج ش س باسقارما ءتوراعاسى ەرحات ەسقاليەۆ ءمالىم ەتتى، دەپ حابارلايدى قازاقپارات ءتىلشىسى.

«بۇگىندە ەلىمىزدە ماسكا شىعارۋ ارتىعىمەن جۇزەگە اسىرىلۋدا. بۇل ماسكاعا دەگەن سۇرانىس پەن قولدانىسقا دا بايلانىستى. ماسكانى ءار ادام ءارتۇرلى قولدانادى. بىرەۋلەر تالاپقا ساي پايدالانسا، كەيبىرەۋلەر ءبىر ماسكامەن 2-3 كۇن جۇرەدى. بىزدە قازىر ماسكانىڭ 2 ءتۇرى بار، ءبىرى - مەديتسينالىق، ەكىنشىسى - قورعاۋشى ماسكا. قورعاۋشى ماسكا تىركەۋ كۋالىگى سىناعىنان وتە المادى. سوندىقتان دا ونىڭ باعاسى ارزان. ياعني مەديتسينالىق ماسكا - 60 تەڭگە بولسا، قورعاۋشى ماسكا 40 تەڭگە تۇرادى»، - دەدى ە. ەسقاليەۆ.

ونىڭ ايتۋىنشا، «س ق فارماتسيا» قويماسىندا ماسكا قورى ساقتالمايدى، ياعني شىعارۋشى ۇيىمدار مەديتسينالىق مەكەمەلەرگە تىكەلەي جەتكىزەدى.

ايتا كەتسەك، بۇعان دەيىن اتالعان ۇيىم باسشىسى ەلىمىزدە 2021-جىلعا ارنالعان ءدارى-دارمەك قورى ساتىپ الىنىپ جاتقانىن ايتقان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى