قىزىلوردالىق تۇرعىن جالاڭ قولمەن قاسقىر الدى
ەلدى مەكەن جاڭاقورعان اۋدانىنىڭ تاۋ بەتكەيىندە ورنالاسقان. جەرگىلىكتى تۇرعىنداردىڭ نەگىزگى كۇنكورىس كوزى - مال شارۋاشىلىعى.
ونىڭ ايتۋىنشا، اۋىل تۇرعىندارى بيىل تاۋ جاقتا مالدى قاسقىر تارتىپ كەتىپ جاتىر دەگەندى ءجيى ەستيتىن بولدى. سونداي حاباردى ەستىگەن ايازبي دە موتوسيكلىمەن تاۋداعى جىلقىلاردىڭ جاي- كۇيىن ءبىلۋ بىلمەك ماقساتتا جولعا شىققان. قاسىندا جۇماعالي ەسىمدى تانىسى بار.
«قارا جولمەن كەلە جاتقاندا جىڭعىلدىڭ تۇبىنەن قاسقىردىڭ قاشا جونەلگەنىن كوزىمىز شالدى. ارتىنان دەرەۋ قۋالاي جونەلدىك. ون شاقىرىمداي وتكەننەن كەيىن ونىڭ ارتىنا ءوزىم ءتۇستىم. ءبىر مەزەتتە قاسقىردىڭ ماعان ايبات شەگىپ تۇرعانىن بايقادىم. ارپالىس باستالدى. ونىڭ دا بەرىسەر ءتۇرى جوق. جارتى ساعاتتاي ۋاقىت وتكەندە ول ماعان قاراي اتىلدى. جان-دارمەنمەن قولىما تاس الىپ ونى باسىنان ۇرىپ ۇلگەردىم. قاتتى سوققىدان ەسىنەن تانىپ قالدى. تۇمسىعىنان بايلاپ تاستادىم. موتوتسيكلدىڭ ارتىنا وڭگەرىپ الدىم. جولاي ول ەسىن جيدى. الايدا بۇرىنعىداي قاۋقار كورسەتۋگە شاماسى كەلگەن جوق»، - دەدى ايازبي فازىلوۆ قازاقپارات تىلشىسىنە.
ايتۋىنشا، ۇستاعانى قاسقىردىڭ قانشىعى ەكەن.
«قولىما مىلتىق الىپ شىققان كەزىمدە الدىمنان قاسقىر كەزدەسكەن ەمەس. جولاي قويشىلاردىڭ ۇيىنە سوقتىم. ءبىر قىزىعى، يتتەردىڭ بايلاۋدا جاتقان ءتۇز تاعىسىنا بەتتەپ كەلە المادى. ەلدىڭ اۋزىندا ايتىلاتىن «ءيتتىڭ سىرتتانى عانا قاسقىردى الادى» دەگەن ءسوزدىڭ راستىعىنا تاعى ءبىر مارتە كوزىن جەتكىزدىم»، - دەدى ول.
اۆتور: ءادىلجان ۇمبەت
