قىرعىز پرەزيدەنتى پارلامەنتتىك سايلاۋدان كەيىن عانا وتستاۆكاعا كەتەدى
ونىڭ ايتۋىنشا بۇگىن پارلامەنت ەلدىڭ پرەمەر- ءمينيسترى لاۋازىمىنا جاپاروۆتىڭ كانديداتۋراسىن بەكىتكەننەن كەيىن سوورونباي جەەنبەكوۆ پەن سادىر جاپاروۆ كەزدەسۋ وتكىزگەن.
«پرەمەر- مينيستر كەزدەسۋ بارىسىندا ءوز تالابىن قويدى - پرەزيدەنت بۇگىن كەشكە وتستاۆكاعا كەتۋى كەرەك. سوورونباي جەەنبەكوۆ ءدال قازىرگى ۋاقىتتا پرەزيدەنت لاۋازىمىن تاستاپ كەتۋگە قۇقىعى جوقتىعىن تاعى ءبىر مارتە ايتتى، سەبەبى مۇنىڭ ارتى مەملەكەتكە زيان شەككىزىپ، ەلەستەتۋگە قيىن جاعدايعا اپارىپ سوقتىرۋى مۇمكىن. ول 2020 -جىلدىڭ 9 -قازانىندا ايتقان ۇستانىمىن ەسكە سالدى - پارلامەنتتىك سايلاۋ وتكەننەن كەيىن ەلدىڭ جاڭا پرەزيدەنتىن سايلاۋ وتەدى»، - دەدى ستاماليەۆا.
ەسكە سالساق، قىرعىز رەسپۋبليكاسىنىڭ پرەزيدەنتى سوورانباي جەەنبەكوۆ بۇگىن، 14- قازان كۇنى «قىرعىز رەسپۋبليكاسىنىڭ پرەمەر- ءمينيسترى مەن ۇكىمەت مۇشەلەرىن تاعايىنداۋ» تۋرالى جارلىققا قول قويدى. سونداي- اق، قىرعىز جوگوركۋ كەنەشىنىڭ ءتوراعاسى سايلاندى.
4 -قازان كۇنى قىرعىزستاندا جوگوركۋ كەنەشكە دەپۋتاتتاردى سايلاۋ ءوتتى. دەپۋتاتتىق مانداتقا 16 پارتيا ۇمىتكەرلىك ەتتى. داۋىس بەرۋدىڭ الدىن الا مالىمەتى بويىنشى، %7 مەجەنى 4 پارتيا ەڭسەردى. ال، 5 -قازان كۇنى سايلاۋ ناتيجەسىنە كوڭىلى تولماعان ءبىر توپ ادام ورتالىق الاڭدا ميتينگ ۇيىمداستىرىپ، ودان كەيىن اق ۇيگە بەتتەدى. ولاردى تارقاتۋ ءۇشىن ميليتسيا كوز جاساۋراتاتىن گاز، سۋاتقىش جانە گاز- شۋىلدى قۇرىلعىلار قولدانعان. بىشكەك ۋاقىتىمەن ساعات 22.00 دەگى ءمالىم بويىنشا، اۋرۋحاناعا زارداپ شەككەن 16 ادام جەتكىزىلگەن. كەيىنگى مالىمەت بويىنشا، زارداپ شەككەن ادامدار سانى 911 گە جەتتى. ەلدىڭ ىشكى ىستەر مينيسترلىگى ميتينگتى ۇيىمداستىرۋشىلار مەن پارتيا باسشىلارىن ءوز جاقتاستارىن ۇيلەرىنە قايتارۋعا شاقىردى.
