ءبىز نەگە ناشار ۇيىقتايمىز؟
ناتيجەسى: نازىك جاندىلاردىڭ ۇيقىسىنىڭ قانباۋى قورشاعان ورتا مەن ونىڭ ومىرىنە تىكەلەي اسەر ەتەدى. ەگەر ايەل ادام جەتكىلىكتى مولشەردە ۇيىقتاماسا، ول جۇمىسقا ۇنەمى كەشىگىپ بارادى، ءوزىن ءالسىز سەزىنىپ، ۇنەمى اشۋشاڭ بولىپ جۇرەدى، ءتىپتى قۇربى- دوستارىمەن دە ارالاسقىسى كەلمەيدى.
ءبىز نەگە ناشار ۇيىقتايمىز؟ ۇيقىسىزدىق جەر بەتىندەگى تۇرعىنداردىڭ %20 ىنە جۋىعىن الاڭداتادى. ال جاسى ۇلكەن ادامداردىڭ اراسىندا بۇل كورسەتكىش %50-60 ءتى قۇرايدى. ۇيقىسىزدىققا دۇرىس رەجيمدى ۇستانباۋ، شارشاۋدىڭ جينالۋى اسەر ەتەدى. ال ەگەر ۇيقىسىزدىق 4 اپتادان ءارى مازالاسا، مىندەتتى تۇردە دارىگەر كومەگىنە جۇگىنۋ قاجەت.
ۇيىقتاۋعا نە كومەكتەسەدى؟
سپورتپەن كۇننىڭ ءبىرىنشى جارتىسىندا اينالىسىڭىز. كەشكى استى ۇيىقتاۋدان 3-4 ساعات بۇرىن قابىلداڭىز. قاراڭعىدا ۇيىقتاڭىز. ەگەر تۇندە ويانىپ كەتسەڭىز، وتە اشىق جارىقتى قوسپاڭىز. جاتار الدىندا پلانشەت، تەلەفون سەكىلدى گادجەتتەردى قولدانباڭىز. ۇيىقتايتىن بولمەنىڭ تەمپەراتۋراسىن رەتكە كەلتىرىڭىز. بولمە سالقىن بولۋى قاجەت: شامامەن 16-18 گرادۋس. بولمە ىلعالدىلىعى %60-80 بولۋ قاجەت. ءبىر ۋاقىتتا ۇيىقتاپ، ءبىر ۋاقىتتا ويانۋعا تىرىسىڭىز. ءتىپتى دەمالىس كۇندەرى دە. تىنىشتاندىراتىن ءشوپ تۇنبالارىن ءىشىڭىز.
ۇيقىعا بوگەت بولاتىن فاكتورلار جارىق. جارىق ۇيقى گورمونى مەلاتونيننىڭ بولىنۋىنە كەدەرگى كەلتىرەدى. تەلەفون مەن پلانشەت. ەكراننان بولىنەتىن كوك جانە جاسىل سپەكترلەر ۇيقىنى بۇزادى.
كوپ ويلانۋ. جاتار الدىندا كوپ ويعا بەرىلگەننەن گورى تاڭەرتەڭگى ۋاقىتتا ەرتە تۇرىپ، كۇندەلىك تولتىرىپ، سوعان العىستارىڭىزدى جازا الاسىز. بۇل سىزگە پسيحولوگيالىق تىعىرىقتان شىعۋعا كومەكتەسەدى.
سترەسس. بۇعان ەڭ جاقسى كومەكتەسەتىن نارسە - مەديتاتسيا. ستيمۋلياتورلار (تاتتىلەر، كوفە، الكوگول). الكوگول نەمەسە شاراپ. كەيبىرى الكوگول نەمەسە شاراپ ىشكەندە تەز ۇيىقتاپ قالاتىنىن ايتىپ، بۇل قاعيدانى تەرىسكە شىعارۋى مۇمكىن. الايدا ودان سوڭ ۇيقى ساپاسىنىڭ بۇزىلاتىنىن ەسكەرگەن ءجون. تاتتىلەر (ءتىپتى پايدالى تاتتىلەر دە) . قانتتى الماستىراتىن، تابيعي تاتتىلەر (بال، كەپتىرىلگەن جەمىستەر)، قاي- قايسىسى بولماسىن، ينسۋلين گورمونىن جوعارىلاتادى. ال ينسۋلين كورتيزولدىڭ كورسەتكىشىن وسىرەدى. ءسويتىپ بەلدە ارتىق ماي قورى جينالا بەرەدى. سوندىقتان ۇيقى گيگيەناسىن ساقتاپ، دەر كەزىندە دەنەڭىزگە قامقور بولۋعا شاقىرامىز!
www.24.kz
