ماڭعىستاۋ وبلىسىندا «ۋ شاشقان» ۇشاققا قاتىستى تۇسىنىك بەرىلدى

«مىنە، 13-قازان 2020 -جىل، اقتاۋ قالاسى. مىنە، ۋ شاشىپ جاتىر عوي. ادامدار اۋىرماي قايتەدى؟ اسپاندا شاشىپ ءجۇر»، - دەيدى ۆيدەودا ايەل. وسى ۆيدەوعا قاتىستى اقتاۋ حالىقارالىق اۋەجايىنىڭ اتقارۋشى ديرەكتورى ەرعازى جولداسوۆ جاۋاپ بەردى.

«بۇل - ۇشاقتىڭ قوزعالتقىشىنان شىققان كوندەنسات. ول جەرگە تۇسپەيدى. ۇشاق ۇشاتىن بيىكتىكتەگى اۋا تەمپەراتۋراسى - 60 گرادۋس. ۇشاقتان شىققان ىستىق اۋا سالقىن اۋامەن ارالاسىپ، قاتىپ قالادى. ءبىراق 4-5 مينۋت وتكەننەن كەيىن اۋادا شاشىراپ كەتەدى. كۇن شىققاندا جانە باتقاندا قىزىل ءتۇس بەرەدى. ال، كۇندىزگى ۋاقىتتا اق بولىپ كورىنەدى. قاراڭعى ۋاقىتتا - كوگىلدىر بولادى. كۇن ساۋلەسى قالاي تۇستەتىنىنە بايلانىستى. ماڭعىستاۋ وبلىسى توعىز جولدىڭ تورابى بولعاسىن، وبلىس اۋماعىنان بىرنەشە باعىتتا ونداعان ۇشاق وتەدى. قازاقتار ونى «قۇس جولى» دەپ ايتادى»، - دەيدى ەرعازى جولداسوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى