قازاقستاندا كوروناۆيرۋستى قايتا جۇقتىرۋ تىركەلمەدى - مينيستر
نۇر-سۇلتان. قازاقپارات - دەنساۋلىق ساقتاۋ ءمينيسترى الەكسەي سوي وقۋشىلاردى ءداستۇرلى ءبىلىم بەرۋ رەجيمىنە كوشىرۋگە قاتىستى پىكىر ءبىلدىردى، دەپ حابارلايدى قازاقپارات ءتىلشىسى. ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا «كوروناۆيرۋس ينفەكسياسىن قايتادان جۇقتىرۋ فاكتىلەرى تىركەلدى مە؟» دەگەن سۇراق قويىلدى.
«قازىرگى كەزدە وسىنداي جاعدايلار ەلىمىزدە تىركەلمەدى. پ ت ر زەرتتەۋدى قايتا جۇرگىزۋ جاعدايى بولدى، وندا ىندەتكە قاتىستى وڭ ناتيجە كورسەتىلگەن ەدى. وسى ورايدا مۇنىڭ ءبىر بولىگى قايتادان كورىنگەن ۆيرۋستىڭ بولشەكتەرى ەكەنىن بايقادىق. جالپى، ىندەتكە ادامداردىڭ قايتادان شالدىعۋى وقيعالارى ەلىمىزدە انىقتالمادى»، - دەدى مينيستر.
بۇدان بۇرىن حابارلانعانداي، الەمدە كوروناۆيرۋستى قايتا جۇقتىرۋدان كەيىنگى العاشقى ءولىم نيدەرلاندتا تىركەلدى.
اۆتور: رۋسلان عابباسوۆ
